മലപ്പുറം: പുറത്തൂരിൽ ബൈക്ക് ഓടിക്കുന്നതിനിടെ തലചുറ്റി വീണ യുവാവ് ഹെൽമറ്റ് ധരിച്ചത് രക്ഷയായി. മുട്ടന്നൂര്‍ സ്വദേശിയായ യുവാവാണ് ഹെൽമറ്റ് ധരിച്ചതോടെ നിസാര പരിക്കുകളോടെ രക്ഷപ്പെട്ടത്. ഇയാളുടെ കൈകാലുകൾക്കാണ് പരിക്കേറ്റത്.
Also Read: ഇടുക്കിയിൽ കാട്ടാന ശല്യം രൂക്ഷം! ഇടമലക്കുടിയിൽ അക്ഷയ സെൻ്റര്‍ തകര്‍ത്തു
കുറുമ്പടി ഭാഗത്തുനിന്ന് കാവിലക്കാട്ടേക്ക് പോകുന്നതിനിടെയാണ് ബൈക്കോടിച്ച യുവാവ് തലചുറ്റിയത്. തുടര്‍ന്ന് റോഡരികിലെ മതിൽ തകര്‍ത്ത് കടവരാന്തയിലേക്ക് ബൈക്ക് പാഞ്ഞുകയറി. കടയിലുണ്ടായിരുന്ന ആളുകള്‍ ഓടിമാറിയതിനെ തുടര്‍ന്ന് പരിക്കേൽക്കാതെ രക്ഷപ്പെട്ടു.
Also Read: കുതിരാനിൽ ഗതാഗത നിയന്ത്രണം ഇന്ന് മുതൽ; തുരങ്കം ഭാഗികമായി തുറക്കും
പ്രദേശവാസികളാണ് ബൈക്ക് യാത്രികനെ പുറത്തൂരിലെ സിഎച്ച്സിയിൽ പ്രവേശിപ്പിച്ചത്. സംഭവത്തിൽ റോഡരികിൽ നിര്‍ത്തിയിട്ടിരുന്ന സ്‍കൂട്ടറിന് കേടുപാടുകളുണ്ടായി. യുവാവ് ഹെൽമറ്റ് ധരിച്ചില്ലായിരുന്നെങ്കിൽ തലയ്ക്ക് ഗുരുതര പരിക്കേൽക്കുമായിരുന്നുവെന്ന് നാട്ടുകാർ പറഞ്ഞു.
Also Read: വീര്യം ചോരാതെ ലക്ഷ്മിയമ്മ! മഹാശൃംഖലയിൽ അണിനിരന്നത് ഒരു കുടുംബത്തിലെ നാല് തലമുറകൾ!!