‘ഹെര്‍ബേറിയം’ ബിരുദ വിദ്യാര്‍ഥികള്‍ക്ക് ഇനി പാഠപുസ്തകം

എഴുത്തുകാരി സോണിയ റഫീഖിന്റെ നോവല്‍ ഹെര്‍ബേറിയം ഒന്നാം വര്‍ഷ മലയാളം ബിരുദ വിദ്യാര്‍ഥികള്‍ക്ക് പഠിക്കുവാനുള്ള നോവല്‍ ആയി കേരള സര്‍വ്വകലാശാല സിലബസില്‍ ഉള്‍പ്പെടുത്തി. സോണിയ തന്നെയാണ് ഇക്കാര്യം ഫെയ്‌സ്ബുക്കിലൂടെ പങ്കുവെച്ചിരിക്കുന്നത്. 2016-ലെ ഡി.സി. നോവല്‍പുരസ്‌കാരത്തിന് അര്‍ഹമായ ഹെര്‍ബേറിയം സോണിയയുടെ ആദ്യ നോവലാണ്.

മരുഭൂമിയുടെ ഊഷരതയില്‍ നിന്ന് ജൈവ പ്രകൃതിയുടെ പച്ചപ്പിലേക്കെത്തുന്ന ഒരു ബാലന്റെ മനസ്സാണ് ഹെര്‍ബേറിയം തുറന്നിടുന്നത്. പ്രകൃതിയില്‍ നിന്നും ജൈവികതയില്‍ നിന്നും അകറ്റി ഫ്ലാറ്റിന്റെ ഇത്തിരിച്ചതുരത്തിലേക്ക് ഒതുക്കപ്പെടുന്ന പുതിയ തലമുറയെക്കുറിച്ച് ഈ നോവല്‍ നമ്മെ വേവലാതിപ്പെടുത്തുകയും ഒപ്പം നമ്മുടെ കുട്ടികള്‍ക്കും പരിസ്ഥിതി ജാഗ്രത്തായ ഒരു സംസ്‌കാരം സ്വരൂപിക്കാനാവുമെന്ന് ബോധ്യപ്പെടുത്തുകയും ചെയ്യുന്നുമുണ്ട്.

സോണിയ റഫീഖിന്റെ ഫേസ്ബുക്ക് കുറിപ്പ് വായിക്കാം.