എടിഎം തട്ടിപ്പിന് പിന്നിൽ മൂന്ന് വിദേശികളെന്ന് സൂചന

* തിരുവനന്തപുരത്തെ തട്ടിപ്പിന് പിന്നിൽ വിദേശികളെന്ന് സൂചന

* പ്രത്യേക അന്വേഷണ സംഘം മുംബൈയിലേക്ക് തിരിച്ചു

* എടിഎം ഇടപാടുകാരോട് പിൻ നമ്പർ മാറ്റാൻ പോലീസ് നിർദേശിച്ചു


തിരുവനന്തപുരം: തലസ്ഥാനത്തെ നിരവധി എടിഎമ്മുകളില്‍ നിന്നായി ലക്ഷക്കണക്കിന് രൂപയുടെ കവര്‍ച്ച നടത്തിയത് പിന്നിൽ മൂന്ന് വിദേശികളെന്ന് സൂചന. ഐജി മനോജ് എബ്രഹാമിന്‍റെ നേതൃത്വത്തില്‍ സൈബർ വിദഗ്‍ദര്‍ ഉള്‍പ്പെടെയുള്ള സംഘം അന്വേഷണത്തിനായി മുംബൈയിലേക്ക് തിരിച്ചു.

പ്രാഥമിക മുൻകരുതലിനായി തലസ്ഥാനത്തെ എല്ലാം എടിഎം ഇടപാടുകാരോടും പിൻ നമ്പർ മാറ്റാൻ പോലീസ് നിർദേശം നൽകിയിട്ടുണ്ട്. പ്രാഥമിക അന്വേഷണത്തില്‍ മുംബൈയില്‍ നിന്നാണ് പണം പിന്‍വലിച്ചിരിക്കുന്നതെന്നാണ് പോലീസ് കണ്ടെത്തിയിരിക്കുന്നത്.

എടിഎമ്മില്‍ ഇലക്ട്രോണിക് ഉപകരണം ഘടിപ്പിച്ച് രഹസ്യ പിന്‍ നമ്പര്‍ ചോര്‍ത്തിയാണ് കവര്‍ച്ച നടത്തിയിരിക്കുന്നത്.

തിരുവനന്തപുരത്ത് ആല്‍ത്തറ ജംഗ്ഷന്‍, കവടിയാര്‍, വട്ടിയൂര്‍ക്കാവ് എന്നിവിടങ്ങളിലെ എസ്ബിഐ, എസ്ബിടി എടിമ്മുകളില്‍നിന്നാണു പണം പോയത്. ഈ എടിഎമ്മുകളെല്ലാം ബാങ്ക് ശാഖയോടു ചേര്‍ന്നുള്ളതാണെന്നും പണം പോയവര്‍ പറയുന്നു.

50 ഓളം പേര്‍ ഇതിനോടകം പോലീസ് സ്റ്റേഷനില്‍ പരാതി നല്‍കിയിട്ടുണ്ട്. മ്യൂസിയം, വട്ടിയൂര്‍ക്കാവ്, പേരൂര്‍ക്കട സ്റ്റേഷന്‍ പരിധിയിലാണു പരാതിക്കാര്‍ ഏറെയും. ഈ ഭാഗത്തെ ചില എടിഎമ്മുകളില്‍നിന്ന് ഇലക്ട്രോണിക് ഉപകരണം കണ്ടെത്തിയിട്ടുമുണ്ട്.

കൂടുതൽ വായിക്കാം: തലസ്ഥാനത്ത് എടിഎമ്മുകളില്‍ വന്‍ തട്ടിപ്പ്