കൊച്ചി: ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് ഹൈക്കോടതി ജാമ്യം അനുവധിച്ചു. പത്തനംതിട്ട ജില്ലയിലേക്ക് പ്രവേശിക്കരുത് എന്നതടക്കമുള്ള കര്ശന ഉപാധികളോടെയാണ് ഹൈക്കോടതി ജാമ്യം അനുവദിച്ചത്. ശബരിമലയില് 52കാരിയായ അയ്യപ്പഭക്തയെ വധിക്കാന് ഗൂഢാലോചന നടത്തിയ കേസിലാണ് ഏറ്റവുമൊടുവില് ജാമ്യം ലഭിച്ചിരിക്കുന്നത്. നിലവില് മുഴുവന് കേസുകളിലും ജാമ്യം ലഭിച്ചതിനാല് സുരേന്ദ്രന് ഇന്ന് തന്നെ പുറത്തിറങ്ങാനായേക്കും.
21 ദിവസങ്ങള്ക്ക് ശേഷമാണ് കെ സുരേന്ദ്രന് ജയില് മോചിതനാകുന്നത്. പതിനഞ്ചോളം കേസുകളാണ് സുരേന്ദ്രനെതിരെ നിലവിലുണ്ടായിരുന്നത്. ഇതില് നേരത്തേയുണ്ടായിരുന്ന എട്ടോളം കേസുകളില് ജാമ്യമെടുക്കാതിരുന്നതിനാലാണ് 21 ദിവസത്തോളം സുരേന്ദ്രന് ജയിലില് കിടക്കേണ്ടിവന്നത്. രണ്ട് ലക്ഷം രൂപയുടെ ബോണ്ടിന്റെയും രണ്ട് പേരുടെ ആള്ജാമ്യത്തിന്റെയും അടിസ്ഥാനത്തിലാണ് ജാമ്യം നല്കിയിരിക്കുന്നത്. പാസ്പോര്ട്ടും കോടതിയില് കെട്ടിവെക്കണം.
അതേസമയം സുരേന്ദ്രനെതിരെ നിരവധി കേസുകള് വിവിധ സ്റ്റേഷനുകളില് നിലവിലുണ്ടെന്നും ചിത്തിര ആട്ട നാളിലും തുടര്ന്നും ശബരിമലയില് പ്രശ്നങ്ങളുണ്ടാക്കിയത് സുരേന്ദ്രനാണെന്നും സര്ക്കാര് ചൂണ്ടിക്കാട്ടി. അതുകൊണ്ടുതന്നെ സുരേന്ദ്രന് ജാമ്യം അനുവദിക്കരുതെന്ന് സര്ക്കാര് അഭിഭാഷകന് ശക്തമായി വാദിച്ചു. എന്നാല് പത്തനംതിട്ട ജില്ലയിലേക്ക് പ്രവേശിക്കരുത്, സമാനമായ കുറ്റകൃത്യങ്ങളില് ഉള്പ്പെടരുത് തുടങ്ങിയ ഉപാധികളോടെ ജാമ്യം അനുവദിക്കുകയായിരുന്നു.
21 ദിവസങ്ങള്ക്ക് ശേഷമാണ് കെ സുരേന്ദ്രന് ജയില് മോചിതനാകുന്നത്. പതിനഞ്ചോളം കേസുകളാണ് സുരേന്ദ്രനെതിരെ നിലവിലുണ്ടായിരുന്നത്. ഇതില് നേരത്തേയുണ്ടായിരുന്ന എട്ടോളം കേസുകളില് ജാമ്യമെടുക്കാതിരുന്നതിനാലാണ് 21 ദിവസത്തോളം സുരേന്ദ്രന് ജയിലില് കിടക്കേണ്ടിവന്നത്. രണ്ട് ലക്ഷം രൂപയുടെ ബോണ്ടിന്റെയും രണ്ട് പേരുടെ ആള്ജാമ്യത്തിന്റെയും അടിസ്ഥാനത്തിലാണ് ജാമ്യം നല്കിയിരിക്കുന്നത്. പാസ്പോര്ട്ടും കോടതിയില് കെട്ടിവെക്കണം.
അതേസമയം സുരേന്ദ്രനെതിരെ നിരവധി കേസുകള് വിവിധ സ്റ്റേഷനുകളില് നിലവിലുണ്ടെന്നും ചിത്തിര ആട്ട നാളിലും തുടര്ന്നും ശബരിമലയില് പ്രശ്നങ്ങളുണ്ടാക്കിയത് സുരേന്ദ്രനാണെന്നും സര്ക്കാര് ചൂണ്ടിക്കാട്ടി. അതുകൊണ്ടുതന്നെ സുരേന്ദ്രന് ജാമ്യം അനുവദിക്കരുതെന്ന് സര്ക്കാര് അഭിഭാഷകന് ശക്തമായി വാദിച്ചു. എന്നാല് പത്തനംതിട്ട ജില്ലയിലേക്ക് പ്രവേശിക്കരുത്, സമാനമായ കുറ്റകൃത്യങ്ങളില് ഉള്പ്പെടരുത് തുടങ്ങിയ ഉപാധികളോടെ ജാമ്യം അനുവദിക്കുകയായിരുന്നു.