പ്രീത ഷാജി 48 മണിക്കൂറിനകം വീടൊഴിയണമെന്ന് ഹൈക്കോടതി

കൊച്ചി: വീട് ജപ്തി ചെയ്തതിനെതിരെ സമരം ചെയ്ത ഇടപ്പള്ളി സ്വദേശിനി പ്രീത ഷാജി വീടൊഴിയണമെന്ന് ഹൈക്കോടതി. 48 മണിക്കൂറിനകം വീടൊഴിയാനാണ് കോടതിയുടെ ഉത്തരവ്. വീടിന്‍റെ താക്കോല്‍ ഹൈക്കോടതി രജിസ്ട്രാറെ ഏല്‍പ്പിക്കാനും കോടതി നിര്‍ദ്ദേശിച്ചു.

തൃക്കാക്കര വില്ലേജ് ഓഫീസറോട് വീട് പൂട്ടി താക്കോല്‍ ഹൈക്കോടതി രജിസട്രാര്‍ക്ക് കൈമാറാനാണ് ഹൈക്കോടതി നിര്‍ദ്ദേശിച്ചിരിക്കുന്നത്. ഈ മാസം 24ന് ഇതുസംബന്ധിച്ച റിപ്പോര്‍ട്ട് നല്‍കാന്‍ സ്റ്റേറ്റ് അറ്റോര്‍ണിക്കും കോടതി നിര്‍ദ്ദേശം നല്‍കിയിട്ടുണ്ട്.

വായ്പാ തിരിച്ചടവ് മുടങ്ങിയതിനെത്തുടര്‍ന്ന് ബാങ്ക് ആരംഭിച്ച ജപ്തി നടപടികള്‍ക്കെതിരെ പ്രീത ദീര്‍ഘനാളായി സമരത്തിലായിരുന്നു. അതേസമയം യാതൊരു ആനുകൂല്യത്തിനും പ്രീത ഷാജി അര്‍ഹയല്ലെന്ന് ഹൈക്കോടതി നേരത്തേ കണ്ടെത്തിയിരുന്നു. ഇതിന് പിന്നാലെയാണ് വീടൊഴിയാന്‍ കോടതി ഉത്തരവിട്ടത്.