പ്രീത ഷാജിക്ക് ഒരു ആനുകൂല്യത്തിനും അര്‍ഹതയില്ല: ഹൈക്കോടതി

കൊച്ചി: എറണാകുളം ഇടപ്പള്ളിയില്‍ ജപ്തി നടപടിക്കെതിരെ സമരം ചെയ്യുന്ന പ്രീത ഷാജിക്കെതിരെ ഹൈക്കോടതി. പ്രീത ഷാജിക്ക് നിയമപരമായി യാതൊരു ആനുകൂല്ല്യവും ലഭിക്കാനുള്ള അര്‍ഹതയില്ലെന്ന് ഹൈക്കോടതി വ്യക്തമാക്കി. വിഷയത്തില്‍ സംസ്ഥാന സര്‍ക്കാരും ഭൂമി ലേലത്തിന് പിടിച്ച രതീഷും പരമാവധി കാര്യങ്ങള്‍ ചെയ്യുന്നുണ്ടെന്നും ഹൈക്കോടതി ചൂണ്ടിക്കാട്ടി.

പ്രീത താമസിച്ചിരുന്ന വീടും സ്ഥലവുമാണ് തിരിച്ചടവ് മുടങ്ങിയതിനെത്തുടര്‍ന്ന് ബാങ്ക് ജപ്തിനടപടിക്ക് വിധേയമാക്കിയത്. ഇതില്‍ നിയമപരമായ നടപടിക്രമങ്ങള്‍ മാത്രമാണുണ്ടായിട്ടുള്ളത്. ഇടപ്പള്ളിയിലെ ഭൂമിക്ക് പകരം മറ്റൊരു സ്ഥലത്ത് വീടും സ്ഥലവും നല്‍കാമെന്ന രതീഷിന്‍റെ വാഗ്ദാനം കോടതി വീണടും പ്രീതയുടെ അഭിഭാഷകന് മുന്നില്‍ വെച്ചു. ഇക്കാര്യത്തില്‍ തീരുമാനം അറിയിക്കാന്‍ കൂടുതല്‍ സമയം അനുവദിക്കണമെന്ന് പ്രീതയുടെ അഭിഭാഷകന്‍ വ്യക്തമാക്കി.