ഷംസീറിൻ്റെ ഭാര്യയുടെ നിയമനം: ഹൈക്കോടതി വിശദീകരണം തേടി

കൊച്ചി: തലശേരി എംഎൽഎ എ എൻ ഷംസീറിന്‍റെ ഭാര്യയുടെ കണ്ണൂര്‍ സര്‍വകലാശാലയിൽ നിയമനം നല്‍കിയത് സംബന്ധിച്ച് ഹൈക്കോടതിസര്‍ക്കാരിനോട് വിശദീകരണം ചോദിച്ചു. ഷംസീറിന്‍റെ ഭാര്യ ഷഹലയ്ക്ക് സര്‍വകലാശാലയുടെ സ്കൂള്‍ ഓഫ് പെഡഗോഗിക്കൽ സയൻസിലേയ്ക്ക് വഴിവിട്ട് നിയമനം നല്‍കിയെന്നാണ് ആരോപണം.

താത്കാലിക അസിസ്റ്റന്‍റ് പ്രൊഫസറുടെ ഒഴിവിലേയ്ക്ക് ഷഹലയെ ചട്ടങ്ങള്‍ മറികടന്ന് നിയമിക്കുകയായിരുന്നു. ഈ വിശദീകരണം കേട്ട ശേഷം ഇക്കാര്യത്തിൽ കോടതി അന്തിമവിധി പുറപ്പെടുവിക്കും. നിയമനത്തിനായി കണ്ണൂര്‍ സര്‍വകലാശാലയുടെ വിജ്ഞാപനവും റാങ്ക് ലിസ്റ്റും തിരുത്തിയെന്ന് കാണിച്ച് റാങ്ക് പട്ടികയിലെ ഒന്നാം സ്ഥാനക്കാരിയായ ഡോ. എം പി ബിന്ദുവാണ് ഹൈക്കോടതിയിൽ ഹര്‍ജി നല്‍കിയത്.

ജനറൽ വിഭാഗത്തിൽ നിന്നുള്ള ഉദ്യോഗാര്‍ഥികളെ വിളിച്ച വിജ്ഞാപനം ഒബിസി മുസ്ലിം എന്നാക്കി തിരുത്തിയാണ് നിയമനം നല്‍കിയതെന്നായിരുന്നു എം പി ബിന്ദുവിന്‍റെ പരാതി.