വിവാദ ഭൂമിവിൽപന: മാര്‍ ആലഞ്ചേരിയ്ക്ക് ഹൈക്കോടതി നോട്ടീസ്

കൊച്ചി: എറണാകുളം അങ്കമാലി അതിരൂപതയുടെ വിവാദ ഭൂമി വിൽപനയുമായി ബന്ധപ്പെട്ട് സീറോ മലബാര്‍ സഭാ മേജര്‍ ആര്‍ച്ച് ബിഷപ്പ് മാര്‍ ജോര്‍ജ് ആലഞ്ചേരിയ്ക്ക് ഹൈക്കോടതിയുടെ നോട്ടീസ്. ഭൂമിയിടപാടിൽ പോലീസ് കേസെടുത്തിട്ടില്ലെന്ന് കാണിച്ച് പെരുമ്പാവൂര്‍ സ്വദേശി നല്‍കിയ ഹര്‍ജിയിലാണ് കോടതിയുടെ നടപടി. വിഷയത്തിൽ പോലീസിനോട് ഹൈക്കോടതി വിശദീകരണം തേടി.

ആലഞ്ചേരിയ്ക്ക് പുറമെ മറ്റ് മൂന്നുപേര്‍ക്കും കോടതി നോട്ടീസ് അയച്ചിട്ടുണ്ട്. ഭൂമി ഇടപാടിലൂടെ നഷ്ടമാണ് വിശ്വാസികളുടെ പണമാണെന്നാണ് ഹര്‍ജിയിലെ ആരോപണം.