വ്യവസായിയുടെ ആത്മഹത്യ: ഹൈക്കോടതി സ്വമേധയാ കേസെടുത്തു

കൊച്ചി: ആന്തൂരിൽ പാര്‍ഥാസ് കൺവെൻഷൻ സെന്റർ ഉടമ സാജൻ ആത്മഹത്യാ ചെയ്ത സംഭവത്തിൽ കേരള ഹൈക്കോടതി സ്വയം കേസെടുത്തു. ഹൈക്കോടതിയിൽ കേസ് പരിഗണിക്കും. ആന്തൂർ നഗരസഭക്ക് വീഴ്ച പറ്റിയെന്ന വിലയിരുത്തലിനെ തുടർന്നാണ് ഹൈക്കോടതി കേസെടുത്തത്. കേസ് ഇന്ന് ഹൈക്കോടതി പരിഗണിക്കും.

പാര്‍ഥാസ് കെട്ടിട നിർമാണ അനുമതിക്കായി നഗരസഭക്ക് നൽകിയ അപേക്ഷകൾ മുതൽ ഹൈക്കോടതി പരിശോധിക്കും. കഴിഞ്ഞ ദിവസം ആന്തൂർ നഗരഭാ സെക്രട്ടറിയടക്കം നാല് ഉദ്യോഗസ്ഥരെ തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീൻ സസ്‌പെൻഡ് ചെയ്തിരുന്നു.

എന്ത് കൊണ്ടാണ് ഓഡിറ്റോറിയത്തിന് അനുമതി നിഷേധിച്ചത്, ഇതിന് പിന്നിൽ മറ്റാരുടെയെങ്കിലും താത്പര്യം ഉണ്ടോ,രാഷ്ട്രീയ ഇടപെടൽ ഉണ്ടായിട്ടുണ്ടോ എന്ന കാര്യങ്ങൾ ഹൈക്കോടതി പരിശോധിക്കും.

നിശ്ചിത സമയത്തിനുള്ളിൽ നിർമാണ പ്രവർത്തനങ്ങൾക്ക് അനുമതി തേടി അപേക്ഷികൾക്ക് മറുപടി നല്കണമെന്നാണ് നിയമം. നഗരസഭയുടയോ ജീവനക്കാരുടെയോ ഭാഗത്ത് നിന്നും വീഴ്ച സംഭവിചീട്ടുണ്ടോയെന്നും ഹൈക്കോടതി അന്വേഷിക്കും. ആന്തൂർ നഗരസഭയോടും സംസ്ഥാന സർക്കാരിനോടും ഹൈക്കോടതി വിഷയത്തിൽ വിശദീകരണം തേടും.