ആംബർ കപ്പലിന്‍റെ രേഖകൾ പിടിച്ചെടുക്കണമെന്ന് ഉത്തരവ്

കൊച്ചി: മത്സ്യബന്ധന ബോട്ടിൽ ഇടിച്ച് രണ്ട് തൊഴിലാളികൾ മരിക്കാൻ ഇടയാക്കിയ കപ്പലിന്‍റെ രേഖകൾ പിടിച്ചെടുക്കാൻ ഹൈക്കോടതി ഉത്തരവ്. ഡിജിറ്റൽ രേഖകൾ നശിപ്പിക്കപ്പെടാൻ സാധ്യതയുള്ളതിനാൽ രേഖകൾ പിടിച്ചെടുത്ത് സൂക്ഷിക്കണമെന്നാണ് കോടതി ഡയറക്ടർ ജനറൽ ഓഫ് ഷിപ്പിംഗിന് നൽകിയ ഉത്തരവ്.

പനാമയിൽ റജിസ്റ്റർ ചെയ്ത ആംബർ എന്ന കപ്പൽ കോസ്റ്റ് ഗാർഡും നേവിയും ചേർന്നാണ് പിടിച്ചെടുത്തത്. കപ്പലിന്‍റെ ക്യാപ്‍റ്റനെതിരെ മനഃപൂർവമല്ലാത്ത നരഹത്യക്ക് കേസ് എടുത്തു. ഇതര സംസ്ഥാന തൊഴിലാളികളായിരുന്നു ബോട്ടില്‍ ഉണ്ടായിരുന്നത്. തമിഴ്നാട് സ്വദേശിയായ തമ്പിദുരൈ, അസം സ്വദേശി രാഹുല്‍ എന്നിവരാണ് മരണമടഞ്ഞത്.

Highcourt orders to seize Amber ship details

Court orders to seize the documents of ship which collided with fishing vessel and led to the death of two