ഓണത്തിന് ഹോര്‍ട്ടികോര്‍പിന്റെ വിറ്റുവരവ് 11.6 കോടി

കൊച്ചി: ഓണത്തിന് വൻ വിറ്റുവരവുമായി ഹോർട്ടികോർപ്പ്. ഓണക്കാലത്ത് ഹോര്‍ട്ടികോര്‍പിന്റെ വിറ്റുവരവ് 11.6 കോടി രൂപയാണെന്ന് ചെയര്‍മാന്‍ വിനയന്‍ അറിയിച്ചു. ഓണാഘോഷത്തിന്റെ ഭാഗമായി നടത്തിയ വിപണി ഇടപെടല്‍ ജനങ്ങള്‍ക്ക് ഉപകാരപ്രദമായി. ഇതുപോലെ വിപണിയില്‍ ഇടപെട്ട സാഹചര്യം മുമ്പുണ്ടായിട്ടില്ലെന്നും വിനയൻ പറഞ്ഞു.

4571 സ്റ്റാളുകളിലായി മൊത്തം 20 കോടി രൂപയുടെ വിറ്റുവരവാണ് ഉണ്ടായത്. ഹോര്‍ട്ടികോര്‍പിനു മാത്രം 11.6 കോടി രൂപയുടെ വിറ്റുവരവുണ്ടായി. 5.7 ടണ്‍ പച്ചക്കറിയാണ് നല്‍കാനായത്.

കേരളത്തില്‍ വേണ്ടത്ര ഉല്‍പാദനമില്ലാത്തതിനാല്‍ തമിഴ്‌നാട്, കര്‍ണാടക എന്നിവിടങ്ങളില്‍ നിന്നു പച്ചക്കറി ശേഖരിച്ചു. കര്‍ഷകര്‍ക്ക് 10 ശതമാനം വില കൂട്ടി നല്‍കി 30 ശതമാനം വിലക്കുറവിലാണ് വിപണിയില്‍ വിറ്റതെന്നും ചെയർമാൻ പത്രസമ്മേളനത്തിൽ പറഞ്ഞു.

മട്ടുപ്പാവിലെ കൃഷി വര്‍ധിപ്പിക്കാന്‍ ഹോര്‍ട്ടികോര്‍പ് പ്രത്യേക പദ്ധതി നടപ്പാക്കുമെന്നും അദ്ദേഹം കൂട്ടിച്ചേർത്തു.

Horticorp gets highest turnover this Onam season

Horticorp gets 11.6 crores turnover for this Onam season.