ഗുണനപ്പട്ടിക തെറ്റിച്ചതിന് വയനാട്ടിൽ ആദിവാസി ബാലന് ക്രൂരമര്‍ദ്ദനം; മനുഷ്യവകാശ കമ്മീഷൻ കേസെടുത്തു

കൽപ്പറ്റ: വയനാട്ടിൽ ഒമ്പതുവയസുകാരനായ ആദിവാസി ബാലന് ഹോസ്റ്റൽ വാർഡൻ മർദ്ദിച്ച സംഭവത്തിൽ മനുഷ്യവകാശ കമ്മീഷൻ കേസെടുത്തു. ജില്ലാ പോലീസ് മേധാവിയോട് കമ്മീഷൻ റിപ്പോർട്ട് തേടി. വിശദമായി അന്വേഷണം നടത്തി നാലാഴ്‌ചയ്‌ക്കകം റിപ്പോർട്ട് സമർപ്പിക്കാനാണ് നിർദേശം.

Also Read: കൊറോണ വൈറസ്: കാസർകോട് 101 പേർ നിരീക്ഷണത്തിൽ, സ്ഥിതി നിയന്ത്രണ വിധേയം

ഗുണന പട്ടിക തെറ്റിച്ചെന്നാരോപിച്ച് നെന്മേനി ആനപ്പാറ ആദിവാസി ഹോസ്റ്റലിലെ വാർഡനായ അനൂപ് മര്‍ദ്ദിച്ചത്. സംഭവത്തിൽ അനൂപിനെതിരെ അമ്പലവയൽ പോലീസ് കേസെടുത്തു. പരിക്കേറ്റ കുട്ടി അമ്പലവയൽ ആശുപത്രിയിൽ ചികിൽസയിലാണ്.

കഴിഞ്ഞ വ്യാഴാഴ്ചയാണ് ചീങ്ങേരി കോളനിയിലെ ഒമ്പതു വയസുകാരനായ കുട്ടിക്ക് മര്‍ദ്ദനമേറ്റത്. ഗുണനപ്പട്ടിക ചൊല്ലിയപ്പോൾ തെറ്റിയതിനെ തുടർന്നാണ് ഹോസ്റ്റൽ വാർഡനായ അനൂപ് മര്‍ദ്ദിച്ചതെന്ന് കുട്ടി പറഞ്ഞു.

Also Read: മേപ്പാടിയിൽ കാട്ടാനകളുടെ ദുരൂഹമരണം!!; രണ്ടാഴ്ചക്കിടെ ചെരിഞ്ഞത് നാല് കാട്ടാനകൾ!

കുട്ടിക്ക് നടക്കാനാവാതെ വന്നതോടെയാണ് മാതാപിതാക്കൾ വിവരം അറിഞ്ഞത്. തുടര്‍ന്ന് ഹോസ്റ്റലിലെത്തിയ അമ്മയാണ് കുട്ടിയെ ആശുപത്രിയിൽ പ്രവേശിപ്പിച്ചത്. പരിക്കേറ്റ കുട്ടി ബത്തേരി ആശുപത്രിയിൽ ചികിത്സയിലാണ്.

Also Read: കെഎസ്ആർടിസിയെ വെല്ലുവിളിച്ച് വീണ്ടും സമാന്തര സര്‍വീസ്; സ്വകാര്യ ബസുകള്‍ പിടിയിൽ