കോട്ടയം: കൊവിഡ് 19 ബാധിതരെ പരിചരിച്ച നഴ്സുമാരെ വാടക വീട്ടിൽ നിന്ന് ഇറക്കി വിട്ടതായി പരാതി. കോട്ടയം മെഡിക്കൽ കോളേജിലെ മൂന്നു മെയിൽ നഴ്സുമാരെയാണ് വീട്ടുടമ പുറത്താക്കിയത്. രോഗം പടരാൻ സാധ്യതയുണ്ടെന്ന് ഉടമസ്ഥൻ പറഞ്ഞതായി നഴ്സുമാര് വ്യക്തമാക്കി.
Also Read: ആശ്വാസം! പത്തനംതിട്ടയിൽ 10 പേരുടെ കൊവിഡ് 19 പരിശോധനാ ഫലം നെഗറ്റീവ്
കോട്ടയം മെഡിക്കൽ കോളേജിനു സമീപമുള്ള വീട്ടിലാണ് മൂന്നു പേരും താമസിച്ചിരുന്നത്. കൊവിഡ് ബാധിതരെ നഴ്സുമാര് ചികിത്സിച്ചുവെന്ന് മനസിലാക്കിയതോടെയാണ് വീട്ടുടമ ഇവരെ ഇറക്കിവിട്ടത്. ഡ്യൂട്ടി കഴിഞ്ഞ വീട്ടിലെത്തിയപ്പോളാണ് നഴ്സുമാര്ക്ക് ദുരനുഭവം ഉണ്ടായത്. സംഭവത്തിൽ മെഡിക്കൽ കോളേജ് അധികൃതരെ സമീപിച്ചെങ്കിലും സഹായം ലഭിച്ചില്ലെന്ന് നഴ്സുമാര് അറിയിച്ചു. താമസ സൗകര്യം ഒരുക്കാനാകില്ലെന്ന് മെഡിക്കൽ കോളേജ് പ്രൻസിപ്പൽ പറഞ്ഞുവെന്ന് നഴ്സുമാര് വ്യക്തമാക്കി.
Also Read: "വാർത്താസമ്മേളനങ്ങൾ വെറുതെയല്ല, ദുരന്തനിവാരണത്തിൽ വിവരങ്ങൾ കൈമാറുന്നതും പ്രധാനം"
അതേസമയം വീട്ടുടമ ഇറക്കിവിട്ട നഴ്സുമാര്ക്ക് മെഡിക്കൽ കോളേജിൽ താമസ സൗകര്യം ഒരുക്കിയെന്ന് കോട്ടയം ജില്ലാ കളക്ടര് അറിയിച്ചു. കോർട്ടേഴ്സ് നൽകാൻ നടപടികൾ സ്വീകരിച്ചിട്ടുണ്ടെന്നും അദ്ദേഹം പറഞ്ഞു.
Also Read: കണ്ണൂരിലെയും തൃശൂരിലെയും കൊറോണ കേസുകൾ; രോഗം സ്ഥിരീകരിച്ചവർ സഞ്ചരിച്ചത് ഇവിടെയൊക്കെ