ഐസ്ക്രീം കേസ്: വി.എസ് വീണ്ടും കോടതിയിലേയ്ക്ക്

തിരുവനന്തപുരം: ഐസ്ക്രീം പാര്‍ലര്‍ പെണ്‍വാണിഭ കേസിൽ സി.പി.എം നേതാവ് വി.എസ് അച്യുതാനന്ദന്‍ വീണ്ടും കോടതിയിലേക്ക്. കോഴിക്കോടട് ഒന്നാം ക്ലാസ് ജുഡീഷ്യല്‍ മജിസ്ട്രേറ്റ് കോടതിയിലാണ് ഹര്‍ജി നല്‍കുക.

സുപ്രീംകോടതി വിധിപ്പകര്‍പ്പ് കിട്ടിയ ശേഷമായിരിക്കും ഹര്‍ജി.കേസുമായി മുന്നോട്ട് പോകാനുള്ള താല്‍പര്യം അഭിഭാഷകനായ എന്‍.ഭാസ്കരന്‍ നായരെ വി.എസ് അറിയിച്ചതായാണ് വിവരം. സി.ബി.ഐ അന്വേഷണം വേണമെന്ന വി.എസിന്റെ ആവശ്യം സുപ്രീംകോടതി അംഗീകരിച്ചിരുന്നില്ല. കീഴ്കോടതിയെ വീണ്ടും സമീപിക്കാനാണ് കോടതി നിര്‍ദ്ദേശിച്ചത്.