Idukki Dam: മഴകുറഞ്ഞു. ഇടുക്കി അണക്കെട്ടിൽ ജലനിരപ്പ് കുറയുന്നു

ഇടുക്കി: ഇടുക്കി അണക്കെട്ടിലെ ജലനിരപ്പ് കുറയുന്നു. വൃഷ്ടി പ്രദേശത്തെ മഴകുറഞ്ഞ സാഹചര്യത്തിലാണ് ജലനിരപ്പ് കുറഞ്ഞത്. 2401.80 അടിയാണ് നിലവിലെ ജലനിരപ്പ്. ജലനിരപ്പ് കുറഞ്ഞതോടെ നിലവിൽ തുറന്നിരിക്കുന്ന മൂന്നു ഷട്ടറുകളും 1.9 മീറ്റ‍ര്‍ താഴ്ത്തി. ഇതോടെ പുറത്തേക്ക് ഒഴുകുന്ന വെള്ളത്തിന്‍റെ അളവിലും കുറവുണ്ടായിട്ടുണ്ട്.

പുലര്‍ച്ചെ നാലു മണിയോടെയാണ് പുറത്തേക്ക് ഒഴുക്കുന്ന വെള്ളത്തിന്‍റെ അളവ് കുറച്ചത്. 2,3,4 ഷട്ടറുകളിലൂടെയാണ് ഇപ്പോള്‍ വെള്ളം പുറത്തേക്ക് ഒഴുക്കുന്നത്. ഒന്നും അഞ്ചും ഷട്ടറുകള്‍ നേരത്തെ തന്നെ അടച്ചിരുന്നു.

മുല്ലപ്പെരിയാര്‍ അണക്കെട്ടിലും ജലനിരപ്പ് കുറഞ്ഞു. 140 അടിയാണ് നിലവിലെ ജലനിരപ്പ്.