തൊടുപുഴ: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന്റെയും ബിഡിജെഎസ് സംസ്ഥാന അധ്യക്ഷൻ തുഷാർ വെള്ളാപ്പള്ളിയുടേയും നിലപാടുകളാണ് ഇടുക്കിയിലെ കനത്ത പരാജയത്തിനു കാരണമെന്ന് ഇടുക്കിയിലെ എൻഡിഎ സ്ഥാനാർത്ഥി ബിജു കൃഷ്ണൻ. ബിഡിജെഎസ് ഒരു പിന്തുണയും നൽകിയില്ലെന്നും അദ്ദേഹം പറഞ്ഞു. പാർട്ടിയിൽനിന്നും രാജിവെച്ച് ബിജെപിയിൽ ചേരുന്നകാര്യം ആലോചിക്കുന്നുണ്ട്. 2016ലെ നിയമസഭാ തെരഞ്ഞെടുപ്പിൽ എൻഡിഎക്ക് ലഭിച്ചത് ഒന്നേകാൽ ലക്ഷത്തോളം വോട്ടുകളാണ് എന്നാൽ ബിജുവിന് ലഭിച്ചത് 78,648 വോട്ടുകളാണ്. നാൽപ്പതിനായിരം വോട്ടുകളുടെ കുറവ് എങ്ങനെ വന്നുവെന്ന് ഉത്തരം പറയേണ്ടത് ബിഡിജെഎസാണെന്നും വോട്ടുചോർച്ചയെപ്പറ്റി അന്വേഷിക്കാൻ പാർട്ടി തയ്യാറാകുന്നില്ലെന്നും ബിജു പറഞ്ഞു.
ഇടതുപക്ഷത്തിന് അനുകൂലമെന്ന നിലയിൽ വെള്ളാപ്പള്ളി പ്രസ്താവന നടത്തിയത് പ്രവർത്തകർക്കിടയിൽ ആശയക്കുഴപ്പം സൃഷ്ടിച്ചു. തെരഞ്ഞെടുപ്പ് പ്രവർത്തനത്തിന് ഇറങ്ങാൻ ബിഡിജെഎസ് പ്രവർത്തകർക്ക് തുഷാർ കൃത്യമായ നിർദ്ദേശം നൽകിയില്ലെന്നും ബിജു കൃഷ്ണൻ ആരോപിച്ചു.
ഇടതുപക്ഷത്തിന് അനുകൂലമെന്ന നിലയിൽ വെള്ളാപ്പള്ളി പ്രസ്താവന നടത്തിയത് പ്രവർത്തകർക്കിടയിൽ ആശയക്കുഴപ്പം സൃഷ്ടിച്ചു. തെരഞ്ഞെടുപ്പ് പ്രവർത്തനത്തിന് ഇറങ്ങാൻ ബിഡിജെഎസ് പ്രവർത്തകർക്ക് തുഷാർ കൃത്യമായ നിർദ്ദേശം നൽകിയില്ലെന്നും ബിജു കൃഷ്ണൻ ആരോപിച്ചു.