ഇരിങ്ങാലക്കുട: നടിയെ ആക്രമിച്ചതുമായി ബന്ധപ്പെട്ട് ദിലീപിനെ പൊലീസ് അറസ്റ്റ് ചെയ്തതിനു പിന്നാലെ പ്രചരിക്കുന്ന ചിത്രത്തിനെതിരെ പൊലീസ്. 'പൊലീസ് സ്റ്റേഷനിലെ അവസ്ഥ' എന്ന പേരിൽ പ്രചരിക്കുന്ന ചിത്രം വ്യാജമാണെന്ന് പൊലീസ് വ്യക്തമാക്കി.
ദിലീപിനൊപ്പം രണ്ടു പൊലീസുകാർ നിന്ന് എടുത്ത സെൽഫിയാണ് ഇപ്പോൾ പുറത്തു വന്നിരിക്കുന്നത്. 'പൊലീസ് സ്റ്റേഷനിലെ അവസ്ഥ' എന്ന് പറഞ്ഞാണ് സോഷ്യൽ മീഡിയകളിൽ ഈ ചിത്രം പ്രചരിക്കുന്നത്. ഇതിനെതിരെയാണ് പൊലീസ് തന്നെ ഇപ്പോൾ രംഗത്ത് എത്തിയിരിക്കുന്നത്.
'ജോർജേട്ടൻസ് പൂരം' എന്ന സിനിമയുമായി ബന്ധപ്പെട്ട് ഇരിങ്ങാലക്കുടയിൽ ദീലിപ് എത്തിയപ്പോൾ ഇരിങ്ങാലക്കുട സ്റ്റേഷനിലെ സി പി ഒമാരായ അരുണ്, പ്രസാദ് എന്നീ പോലീസുകാർ പകർത്തിയ സെൽഫിയാണ് ഇത്.
സോഷ്യൽ മീഡിയ വഴി തെറ്റായ വാർത്ത പ്രചരിപ്പിക്കുന്നത് ഐടി ആക്ട് പ്രകാരം നടപടിയെടുക്കാൻ കഴിയുന്ന കുറ്റമാണെന്ന് പൊലീസ് വ്യക്തമാക്കി.
If share Dileeps photo with police will be case
If share actor Dileep's photo with police will be case