വിഎസിന് ഭൂരിപക്ഷം ലഭിച്ചാല്‍ സൂര്യന്‍ പടിഞ്ഞാറ് ഉദിക്കും വെള്ളാപ്പള്ളി

ആലപ്പുഴ: മലമ്പുഴയില്‍ വിഎസിന് ഭൂരിപക്ഷം ലഭിച്ചാല്‍ സൂര്യന്‍ പടിഞ്ഞാറ് ഉദിക്കുമെന്ന് എസ്‌എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. വിഎസ് ജയിക്കുമോ എന്ന കാര്യം ബാലറ്റ് തുറക്കുമ്പോള്‍ അറിയാമെന്നും വെള്ളാപ്പള്ളി പറഞ്ഞു. വയനാട്ടിൽ തെരഞ്ഞെടുപ്പ് പ്രചരണത്തിനിടെ സംസാരിക്കുകയായിരുന്നു അദ്ദേഹം.

എന്‍ഡിഎ സ്ഥാനാര്‍ത്ഥികള്‍ക്ക് വോട്ട് അഭ്യര്‍ഥിക്കാനായി ഹെലികോപ്ടര്‍ പര്യടനമാണ് വെള്ളാപ്പള്ളി നടത്തുന്നത്. മൈക്രോഫൈനാന്‍സ് തട്ടിപ്പെന്ന പേരില്‍ തന്നെ ദ്രോഹിച്ച വിഎസിന് ജനങ്ങള്‍ മറുപടി നൽകും. അഞ്ചു കൊല്ലം കൂടുമ്പോള്‍ എംഎല്‍എ എന്ന വിത്ത് കൊത്താന്‍ വരുന്ന ദേശാടനപക്ഷിയാണ് വിഎസ്. വിത്ത് കൊത്തിക്കൊണ്ടുപോകുന്നതല്ലാതെ അവിടെ ഒരു വികസനവും നടന്നിട്ടില്ലെന്നും വെള്ളാപ്പള്ളി ആരോപിച്ചു.