പമ്പ - സന്നിധാനം സുരക്ഷ ചുമതല ഐജി എസ് ശ്രീജിത്തിന്

പമ്പ: ശബരിമലയിലെ പൊലീസ് വിന്യാസത്തില്‍ പമ്പ - സന്നിധാനം സുരക്ഷ ചുമതല ഐജി എസ് ശ്രീജിത്തിന് നൽകി. ഡിസംബര്‍ 14 മുതല്‍ 29 വരെയുളള മൂന്നാം ഘട്ടത്തില്‍ 4,026 പോലീസ് ഉദ്യോഗസ്ഥര്‍ ശബരിമലയിൽ ഉണ്ടാകും. ഐജി ശ്രീജിത്തിന് നേരത്തെ പമ്പയുടെ ചുമതല ഉണ്ടായിരുന്നു. നിലയ്ക്കല്‍, വടശ്ശേരിക്കര, എരുമേലി എന്നിവിടങ്ങളുടെ ചുമതല ഇൻ്റലിജന്‍സ് ഡിഐജി സുരേന്ദ്രനാണ്.

തുലാമാസ പൂജകൾക്കായി നടതുറന്നപ്പോൾ ആക്ടിവിസ്റ്റ് രഹ്ന ഫാത്തിമ മല ചവിട്ടിയത് വിവാദമായിരുന്നു. നടപ്പന്തൽ വരെയാണ് അന്ന് രഹ്ന എത്തിയത്. ഭക്തരുടെ പ്രതിഷേധതത്തെ തുട‍ർന്ന് രഹ്ന മല ചവിട്ടിയില്ല. അന്ന് ശ്രീജിത്തിനായിരുന്നു സുരക്ഷ ചുമതല. പിന്നീട് ശബരിമലയിലെത്തി ശ്രീകേവിലിന് മുന്നിൽ നിന്ന് കണ്ണീരണിഞ്ഞ് തൊഴുന്ന ഐജിയുടെ ചിത്രം സോഷ്യൽ മീഡിയയിൽ വൈറലായിരുന്നു