യു​എ​ഇ​ക്കു പി​ന്നാ​ലെ താ​യ്‌​ല​ന്‍​ഡി​ൻ്റെ സഹായവും നിരസിച്ച്‌ കേ​ന്ദ്രം

ന്യൂഡല്‍ഹി: പ്രളയ ദുരന്തത്തില്‍പ്പെട്ട കേരളത്തെ സഹായിക്കാമെന്ന് വാഗ്ദാനം ചെയ്ത തായ്‌ലാൻ്റിൻ്റെ സഹായവും കേന്ദ്രസര്‍ക്കാര്‍ നിരസിച്ചു. യുഎഇ സര്‍ക്കാര്‍ വാഗ്ദാനം ചെയ്ത 700 കോടിയുടെ ധനസഹായം വേണ്ടെന്നു അറിയിച്ചതിനു പിന്നാലെയാണ് ഇതേ കാരണത്താല്‍ തായ്‌ലന്‍ഡിന്‍റെയും സഹായം നിരസിച്ചിരിക്കുന്നത്. ഇന്ത്യയിലെ തായ്‌ലന്‍ഡ് അംബാസിഡര്‍ ചുതിന്‍ടോണ്‍ സാം ഗോംഗ്സാക്ദിയാണ് ഇക്കാര്യം അറിയിച്ചത്.

കേരളത്തിന്‍റെ പ്രളയ ദുരിതാശ്വാസ ഫണ്ടിലേക്ക് വിദേശ സഹായം സ്വീകരിക്കുന്നില്ലെന്ന് കേന്ദ്രം അനൗപചാരികമായി അറിയിച്ചതായി സാം ട്വിറ്ററില്‍ പറഞ്ഞു. തായ്‌ലന്‍ഡിന്‍റെ ഹൃദയം നിങ്ങള്‍‌ക്കൊപ്പമാണ്, ഭാരതത്തിലെ ജനങ്ങള്‍ക്കൊപ്പം- അദ്ദേഹം ട്വീറ്റ് ചെയ്തു