കോഴിക്കോട്: സ്ത്രീകളെ വിമര്ശിക്കുന്ന തരത്തില് നൃത്തമോ സിനിമയോ ചെയ്യാന് താന് ഉദ്ദേശിക്കുന്നില്ലെന്ന് പ്രശസ്ത സമകാലിക നര്ത്തകിയും സിനിമ താരവുമായ ഇഷ ഷര്വാണി. തെറ്റായ സ്റ്റീരിയോടൈപ്പുകള് പ്രചരിപ്പിക്കാന് എനിക്ക് താല്പര്യമില്ലെന്നും ഇഷ പറഞ്ഞു. കോഴിക്കോട് നടക്കുന്ന കേരള ലിറ്ററേച്ചർ ഫെസ്റ്റിവലിൻ്റെ സ്റ്റെപ് അപ്പ് എന്ന സെഷനില് ദിവ്യ നെടുങ്ങാടിയോടൊപ്പം സംസാരിക്കുകയായിരുന്നു ഇഷ.
Also Read: കാന്സര് ബാധിച്ച സന്ദര്ഭത്തിലെ അവിശ്വസനീയ ജീവിതാനുഭവങ്ങള് പറഞ്ഞ് മമ്ത
താന് ഡാന്സിലേക്ക് എങ്ങനെ എത്തിപ്പെട്ടു എന്ന് വിവരിച്ച ദിവ്യ, നിലവിലുള്ള ബോഡി ഷെയ്മിംഗ് വ്യവസ്ഥിതിയെ നിശിതമായി വിമര്ശിച്ചു. നൃത്തം ചെയ്യുവാന് ബാഹ്യ സൗന്ദര്യം ആവശ്യമാണെന്ന് വിശ്വസിക്കുന്നില്ല. സൗന്ദര്യത്തിനായി തങ്ങള് ഒന്നും ചെയ്യാറില്ലെന്നും ദിവ്യ നെടുങ്ങാടി പറഞ്ഞു.
Also Read: അമ്മയെക്കുറിച്ചുള്ള ഓര്മ്മയില് പെരുമാള് മുരുകന്
ഏതൊരു സന്ദര്ഭത്തിലും സ്ത്രീകളെ വിമര്ശിക്കുന്ന തരത്തില് നൃത്തമോ സിനിമയോ ചെയ്യാന് താന് ഉദ്ദേശിക്കുന്നില്ലെന്ന് ഇഷ ഷര്വാണി നിലപാടിനെ സദസ് ഒന്നടങ്കം കരഘോഷത്തോടെ സ്വാഗതം ചെയ്തു. നൃത്തം ഒരിക്കലും വ്യവസായമല്ല. അത് ജീവിത രീതിയും ശരീരത്തിന്റെ ആവശ്യവുമാണെന്നും കൂട്ടിച്ചേര്ത്തു.