തിരുവനന്തപുരം വിമാനത്താവളത്തില്‍ എമര്‍ജന്‍സി ലാന്‍ഡിങ്

തിരുവനന്തപുരം വിമാനത്താവളത്തില്‍ ഇന്‍ഡിഗോ വിമാനത്തിന്റെ എമര്‍ജന്‍സി ലാന്‍ഡിങ്. മുംബൈ-തിരുവനന്തപുരം വിമാനമാണ് നിലത്തിറക്കിയത്. തലനാരിഴയ്ക്കാണ് അപകടം ഒഴിവായത്. യാത്രക്കാര്‍ സുരക്ഷിതരാണെന്നാണ് അധികൃതര്‍ അറിയിച്ചിരിക്കുന്നത്‌. വിമാനത്തിന്റെ മുന്‍ചക്രം പ്രവര്‍ത്തിക്കാതിരുന്നതിനെ തുടര്‍ന്നാണ് ഇതെന്നാണ് വിവരം

മുംബൈയില്‍ നിന്നും തിരുവനന്തപുരത്തേക്കുളള വിമാനത്തില്‍ 161 യാത്രക്കാരാണ് ഉണ്ടായിരുന്നത്. സാങ്കേതിക തകരാറുണ്ടെന്ന് പൈലറ്റിന് സംശയം തോന്നിയതിനെ തുടര്‍ന്നാണ് വിമാനം അടിയന്തരമായി നിലത്തിറക്കിയതെന്നാണ് ലഭ്യമായ വിവരം