വത്തയ്ക്കാ പ്രസംഗത്തിനെതിരെ വകുപ്പുതല അന്വേഷണം

തിരുവനന്തപുരം: ഫറൂഖ് കോളജിലെ ഹോളി ആഘോഷത്തിനു ശേഷം കോളേജിലെ അധ്യാപകൻ നടത്തിയ വിവാദപ്രസംഗത്തെപ്പറ്റി അന്വേഷിക്കുമെന്ന് സര്‍ക്കാര്‍. വകുപ്പുതല അന്വേഷണം നടത്തുന്നതിനായി കോളജ് വിദ്യാഭ്യാസ ഡയറക്ടര്‍ക്ക് നിര്‍ദേശം നല്‍കുമെന്ന് മന്ത്രി എ കെ ബാലൻ അറിയിച്ചു. കെ എം ഷാജിയുടെ ഉപക്ഷേപത്തിന് നല്‍കിയ മറുപടിയിലാണ് മന്ത്രി ഇക്കാര്യം വ്യക്തമാക്കിയത്.

മന്ത്രിമാരടക്കം വിവാദപ്രസ്താവനകള്‍ നടത്തുമ്പോള്‍ ഒരു പ്രസംഗത്തിന്‍റെ പേരിൽ ഒരാള്‍ക്കെതിരെ നടപടി എടുക്കുന്നത് എങ്ങനെയാണെന്നായിരുന്നു കെ എം ഷാജി എംഎൽഎയുടെ ഉപക്ഷേപം.

പെൺകുട്ടികളുടെ ശരീരത്തെയും അവരുടെ വസ്ത്രധാരണരീതിയെയും അപമാനിക്കുന്ന രീതിയിൽ പ്രസംഗിച്ച ഫറൂഖ് ട്രെയിനിങ് കോളജിലെ അധ്യാപകനെതിരെ വ്യാപക പ്രതിഷേധം ഉയര്‍ന്നിരുന്നു.