തോമസ് ചാണ്ടിക്കെതിരായ അന്വേഷണം കോടതി മേൽനോട്ടത്തിൽ

കോട്ടയം: കോടതിയുടെ മേൽനോട്ടത്തിൽ മുൻ മന്ത്രി തോമസ് ചാണ്ടിക്കെതിരെ ജുഡീഷ്യൽ അന്വേഷണം നടത്താൻ ഉത്തരവ്. ലേക് പാലസ് റിസോർട്ടിനായി അനധികൃത റോഡ് നിർമാണം നടത്തിയെന്നാണ് കേസ്. നിലവിൽ നടക്കുന്ന അന്വേഷണം കാര്യക്ഷമമല്ലെന്ന് കാണിച്ച് യുവജനതാദൾ പ്രവർത്തകൻ സുഭാഷ് സമർപ്പിച്ച ഹർജിയിലാണ് വിധി.

നാലു മാസമാണ് അന്വേഷണം പൂർത്തിയാക്കാൻ കോടതി അനുവദിച്ചിരിക്കുന്ന സമയം. അന്വേഷണ പുരോഗതി റിപ്പോർട്ട് എല്ലാ മാസവും അഞ്ചാമത്തെ പ്രവൃത്തി ദിവസം അറിയിക്കണമെന്നും കോടതി നിർദേശിച്ചു.