കെഎസ്ആര്‍ടിസിക്കുള്ള ഡീസല്‍ വിതരണം പുനസ്ഥാപിച്ചു

തിരുവനന്തപുരം: കെഎസ്ആര്‍ടിസിക്കുള്ള ഡീസല്‍ വിതരണം ഇന്ത്യന്‍ ഓയില്‍ കോര്‍പ്പറേഷന്‍ പുനസ്ഥാപിച്ചു. കെഎസ്ആര്‍ടിസി പണമടക്കാത്തതിനാല്‍ നിര്‍ത്തിവെച്ച ഇന്ധന വിതരണമാണ് ഐഒസി പുനരാരംഭിച്ചിരിക്കുന്നത്. കേരളത്തിലെ പ്രളയവുമായി ബന്ധപ്പെട്ട പ്രത്യേക സാഹചര്യം പരിഗണിച്ചാണ് ഐഒസിയുടെ തീരുമാനം.

കേരളത്തിലെ പ്രത്യേക സാഹചര്യം കണക്കിലെടുത്ത് ഇന്ധനവിതരണം നിര്‍ത്തിവെച്ച തീരുമാനം പുന പരിശോധിക്കണമെന്നാവശ്യപ്പെട്ട് ഗതാഗത വകുപ്പ് മന്ത്രി എകെ ശശീന്ദ്രന്‍ ഐഒസി അധികൃതരമായി ചര്‍ച്ച നടത്തിയിരുന്നു. ഈ ചര്‍ച്ചയിലാണ് ഡീസല്‍ വിതരണം പുനരാരംഭിക്കാന്‍ ഐഒസി തീരുമാനിച്ചത്. ചൊവ്വാഴ്ച തന്നെ ഡീസല്‍ കേരളത്തിലെത്തിക്കുമെന്ന് ചര്‍ച്ചയ്ക്ക് ശേഷം ഗതാഗത മന്ത്രി അറിയിച്ചു.