വിഷജലത്തിനെതിരെ ഇറോം 26ന് കൊച്ചിയിൽ

കൊച്ചി: പെരിയാറിനെ മലിനമാക്കുന്ന പ്രവൃത്തികള്‍ക്കെതിരെ മണിപ്പൂർ സമരനായിക ഇറോം ശർമിള കൊച്ചിയിൽ. പരിസ്ഥിതിപ്രവർത്തകരും പ്രദേശവാസികളും ചേർന്ന് നടത്തുന്ന വിഷജല വിരുദ്ധ പ്രക്ഷോഭത്തിന് പിന്തുണയുമായാണ് പെരിയാറിനെ രക്ഷിക്കുക, ജീവന്‍ രക്ഷിക്കുക എന്നീ മുദ്രവാക്യങ്ങളുമായി നടക്കുന്ന പ്രക്ഷോഭത്തിൽ അവസാന ദിനം നടക്കുന്ന പൊതുസമ്മേളനം ഉദ്ഘാടനം ചെയ്യുന്നതിനായാണ് ഇറോം എത്തുന്നത്. എറണാകുളം അങ്കമാലി അതിരൂപത മേജർ ആർച്ച് ബിഷപ്പ് കർദ്ദി.മാർ ജോർജ്ജ് ആലഞ്ചേരി, ഡോ. സെബാസ്റ്റ്യൻ പോൾ, പരിസ്ഥിതി പ്രവർത്തകൻ എം.കെ പ്രസാദ് തുടങ്ങിയവരും പങ്കെടുക്കുന്നുണ്ട്.

ഈ ദിവസങ്ങളിൽ ഉപവാസ സത്യാഗ്രഹം, പൊതുസമ്മേളനം, റാലി എന്നിവ നടക്കും. കേരളത്തിലെ മറ്റു ജില്ലകളില്‍ നിന്ന് വ്യത്യസ്തമായി എറണാകുളം ജില്ലയിലെ 90% ജനങ്ങള്‍ കുടിക്കുന്നത് പെരിയാര്‍ നദിയില്‍ നിന്നുള്ള വെള്ളമാണ്. കുടിവെള്ളത്തിനായി സംഭരിക്കപെട്ടിട്ടുള്ള പാതാളം ബണ്ടില്‍ കഴിഞ്ഞ വര്‍ഷം മാത്രം 44 തവണ പെരിയാര്‍ ചുവന്നുകിടന്നിട്ടുണ്ട്.

12 തവണ പെരിയാറില്‍ മത്സ്യകുരുതികള്‍ ഉണ്ടായി. ഇതിനെ തുടര്‍ന്ന് ഉണ്ടായ പഠനത്തില്‍ പെരിയാറിലെ വെള്ളം കുടിക്കാന്‍ യോഗ്യമല്ലെന്നും ജീവന്‍ തുടച്ച് നീക്കുന്ന ഖനലോഹങ്ങളും കീടനാശിനികളും അടിഞ്ഞുകൂടി മാരകമായി വിഷലിപ്തമാക്കപ്പെട്ടിട്ടുള്ളതാണെന്നും 22 ഓളം ശാസ്ത്ര പഠന റിപ്പോര്‍ട്ടുകള്‍ പുറത്തുവന്നു. ഇതിന്റെ പശ്ചാത്തലത്തിലാണ് സമരം.

Irom Sharmila to spend a day in kochi
After Manipur poll debacle Irom with kochites against polluted water.