ഐഎസ് സന്ദേശം: ജില്ലാ കലക്ടർമാർക്ക് ജാഗ്രതാ നിർദേശം

തിരുവനന്തപുരം: ഐഎസില്‍ നിന്ന് സന്ദേശം ലഭിച്ച പശ്ചാത്തലത്തിൽ ജില്ലാ കളക്ടർമാർക്ക് സര്‍ക്കാര്‍ ജാഗ്രത നിർദേശം നൽകി. കാസർഗോഡ് നിന്നും ഐഎസിൽ ചേർന്ന അബ്ദുള്‍ റഷീദിന്‍റെതെന്ന് കരുതുന്ന ശബ്ദ സന്ദേശത്തിന്‍റെ അടിസ്ഥാനത്തില്‍ സംസ്ഥാനത്തെ എല്ലാ ഏജൻസികള്‍ക്കും ജാഗ്രത നിർദ്ദേശം നൽകണമെന്ന റിപ്പോർട്ടാണ് ഇന്‍റലിജൻസ് സമർപ്പിച്ചത്.

കലാപമുണ്ടാക്കാനും അക്രമങ്ങള്‍ അഴിച്ചുവിടാനും അഹ്വാനം ചെയ്യുന്നതാണ് ശബ്ദ സന്ദേശം. ഈ പശ്ചാത്തലത്തിൽ പ്രധാനപ്പെട്ട പരിപാടികള്‍ നടക്കുമ്പോള്‍ ജില്ലകളിൽ ജാഗ്രതപാലിക്കണമെന്നാണ് ആഭ്യന്തര സെക്രട്ടറി നൽകിയ കത്തിൽ പറയുന്നത്. നേരത്തെ റെയിൽവേ പൊലീസിനും സമാനമായ രീതിയിൽ ജാഗ്രത നിർദ്ദേശം നൽകിയിട്ടുണ്ട്.