പിണറായി ഹിറ്റ്ലറാണോ എന്ന് ചെന്നിത്തല

കണ്ണൂര്‍: ഗെയിൽ പൈപ്പ്ലൈൻ പദ്ധതിയ്ക്കെതിരെ സമരം ചെയ്യുന്നവരെ തോക്കും ലാത്തിയും കൊണ്ട് നേരിടാൻ മുഖ്യമന്ത്രി പിണറായി വിജയൻ ഹിറ്റ്ലറാണോ എന്ന് പ്രതിപക്ഷനേതാവ് രമേശ് ചെന്നിത്തല. സമരത്തെ ചോരയിൽ മുക്കിക്കൊല്ലാനാണ് സര്‍ക്കാര്‍ ശ്രമിക്കുന്നതെങ്കിൽ യുഡിഎഫ് സമരം ഏറ്റെടുക്കുമെന്നും ചെന്നിത്തല മുന്നറിയിപ്പ് നല്‍കി.

വികസനം വേണമെന്നു തന്നെയാണ് യുഡിഎഫിന്‍റെയും നിലപാടെന്നും എന്നാൽ വികസനത്തിന്‍റെ പേരിൽ ജനങ്ങള്‍ക്കുണ്ടാകുന്ന ബുദ്ധിമുട്ട് കണ്ടില്ലെന്നു നടിക്കരുതെന്നും ചെന്നിത്തല പറഞ്ഞു. കമ്മ്യൂണിസ്റ്റ് മുഖ്യമന്ത്രി ജനങ്ങള്‍ക്കു നേരെ അസഹിഷ്ണുത കാണിക്കുന്നത് ശരിയല്ലെന്നും ചെന്നിത്തല കൂട്ടിച്ചേര്‍ത്തു.

സ്വാശ്രയ മാനേജ്മെന്‍റുകളുമായി കരാറൊപ്പിടാമെന്ന നിയമവ്യവസ്ഥ റദ്ദാക്കിയ ഹൈക്കോടതി വിധിക്കെതിരെ സര്‍ക്കാര്‍ അപ്പീൽ നല്‍കണം. സ്വാശ്രയ മാനേജ്മെന്‍റുകളുമായി സര്‍ക്കാര്‍ ഒത്തുകളിക്കുകയാണ്. സര്‍ക്കാരിന്‍റെ കേസുകളിൽ തോറ്റുകൊടുക്കുന്ന പ്രവണതയുണ്ടെന്നും പിണറായി പറഞ്ഞു.

Is Pinarayi Hitler? Asks Chennithala

Opposition leader Ramesh Chennithala asked if Chief minister Pinarayi Vijayan is hitler to suppress the protest with guns and lathis.