ഐഎസ് ഹിറ്റ്‍ലിസ്റ്റില്‍ കേരള ജഡ്‍ജിമാരും പോലീസ് പ്രമുഖരും

കൊച്ചി: കേരളത്തില്‍ നിന്ന് ദേശീയ ഏജന്‍സി അറസ്റ്റ് ചെയ്ത പ്രതികള്‍ കേരളത്തില്‍ 12 ആക്രമണങ്ങള്‍ക്ക് പദ്ധതി ഇട്ടിരുന്നതായി റിപ്പോര്‍ട്ട്. ഒരു രാഷ്ട്രീയ നേതാവ്, രണ്ടു ജ‍ഡ്ജിമാർ, ഒരു പൊലീസ് ഉന്നതൻ എന്നിവർ ഉൾപ്പെടെ അഞ്ചു പേരും ഏഴ് സ്ഥാപനങ്ങളുമാണ് ഇവരുടെ ഹിറ്റ് ലിസ്റ്റില്‍ ഉണ്ടായിരുന്നത്. ആക്രമണങ്ങള്‍ക്കായുള്ള ആയുധങ്ങളും സ്ഫോടക വസ്തുക്കളും ഇവര്‍ ശേഖരിച്ച് കഴിഞ്ഞിരുന്നു.

പാരിസ് ആക്രമണത്തിന്‍റെ മാതൃകയില്‍ പൊതു പരിപാടികളിലേക്ക് ലോറി ഇടിച്ച് കയറ്റാനും ഇവര്‍ പദ്ധതിയിട്ടിരുന്നു. മൊബൈല്‍ ആപ്പ് വഴിയും നേരില്‍ കണ്ടുമെല്ലാമാണ് ആക്രമണങ്ങള്‍ ആസൂത്രണം ചെയ്തിട്ടുള്ളത്. പത്ത് ഫെയ്‍സ്‍ബുക്ക് പേജുകളും മൂന്ന് ബ്ലോഗുകളും ഇവര്‍ ആശയവിനിമയത്തിനായി ഉപയോഗിച്ചിരുന്നു. പിടിയിലായവര്‍ ആക്രമിക്കാന്‍ പദ്ധതിയിട്ടിരുന്ന സ്ഥാപനങ്ങളുടെയും വ്യക്തികളുടെയും പട്ടിക ദേശീയ അന്വേഷണ ഏജന്‍സിയുടെ പക്കലുണ്ട്.

യെമനില്‍ ദമ്മാജിലുള്ള കേന്ദ്രത്തില്‍ നിന്ന് പഠനം പൂര്‍ത്തിയാക്കിയ 35 പേര്‍ സംസ്ഥാനത്തിന്‍റെ വിവിധ കോണുകളിലുണ്ടെന്നും പിടിയിലായവര്‍ ചോദ്യം ചെയ്യലില്‍ പറഞ്ഞു. 35 പേരെയും എന്‍ഐഎ തിരിച്ചറിഞ്ഞിട്ടുണ്ട്.

IS targets politicians and judges in Kerala

NIA identified 35 terrorists who were trained in Yemen and are employed in different parts of Kerala