മാവോയിസ്റ്റുകളെ വെള്ളവും വളവും നല്‍കി വളര്‍ത്തുന്നത് മുസ്ലിം തീവ്രവാദികള്‍: പി മോഹനന്‍

കോഴിക്കോട്: മാവോയിസ്റ്റുകളെ പ്രോത്സാഹിപ്പിക്കുന്നത് ഇസ്ലാമിക തീവ്രവാദ പ്രസ്ഥാനമാണെന്ന് കോഴിക്കോട് സിപിഎം ജില്ലാ സെക്രട്ടറി പി മോഹനന്‍. ഇത് പോലീസ് പരിശോധിക്കണം. താമരശ്ശേരിയില്‍ നടന്ന കെഎസ്‌കെടിയു ജില്ലാ സമ്മേളനത്തിന്റെ പൊതുസമ്മേളനത്തിലായിരുന്നു പി മോഹനന്‍ പ്രതികരിച്ചത്.

മുസ്ലിം തീവ്രവാദികള്‍ മാവോയിസ്റ്റുകളെ സഹായിക്കുന്നതിനാലാണ് കോഴിക്കോട് പുതിയ കോലാഹലവും സാന്നിധ്യവുമൊക്കെ വരുന്നത്. കോഴിക്കോട് കേന്ദ്രമായി പ്രവര്‍ത്തിക്കുന്ന മുസ്ലിം തീവ്രവാദ പ്രസ്ഥാനങ്ങളാണ് അവരെ വെള്ളവും വളവും നല്‍കി വളര്‍ത്തുന്നത്. അവരാണ് ഇതിനെ കൊണ്ടുനടക്കുന്നത്. അവര്‍ തമ്മില്‍ ഒരു ചങ്ങാത്തമുണ്ട്. അത് വെറും ചങ്ങാത്തമല്ല, അദ്ദേഹം ആരോപിച്ചു.

എല്‍ഡിഎഫുകാര്‍ക്കും അതുപോലെ മറ്റുചില മതമൗലികവാദ ശക്തികള്‍ക്കുമെല്ലാം എന്തൊരു ആവേശമാണ്. പോലീസ് പരിശോധിക്കേണ്ടത് പോലീസ് തന്നെ പരിശോധിച്ചു കൊള്ളണം, പി മോഹനന്‍ കൂട്ടിച്ചേര്‍ത്തു.