ജലന്ധര്‍ ബിഷപ്പ് കേസ് ക്രൈംബ്രാഞ്ചിന് വിട്ടേക്കും

തിരുവനന്തപുരം: ജലന്ധര്‍ ബിഷപ് ഫ്രാങ്കോ മുളയ്ക്കലിനെതിരായ പീഡന പരാതിയില്‍ ക്രൈംബ്രാഞ്ചിന് അന്വേഷണം കൈമാറാൻ നീക്കം നടക്കുന്നതായി സൂചന. അന്വേഷണ ഉദ്യോഗസ്ഥനായ കോട്ടയം എസ്പിയോട് ഇത് സംബന്ധിച്ച അഭിപ്രായം ഡിജിപി തേടിയിട്ടുണ്ട്. രണ്ട് ദിവസത്തിനകം വൈക്കം ഡിവൈഎസ്പി അന്വേഷണ റിപ്പോര്‍ട്ട് സമര്‍ച്ചേക്കുമെന്നാണ് അറിയുന്നത്.

തെളിവുകളെല്ലാം ലഭിച്ചിട്ടും പോലീസിന് മേല്‍ സമ്മര്‍ദ്ദം ഉണ്ടെന്ന് തെളിയിക്കുന്നതാണ് ഇപ്പോഴത്തെ മെല്ലെപ്പോക്കെന്നാണ് ബന്ധുക്കളുടെ ആരോപണം. അറസ്റ്റ് വൈകുന്നതിനെതിരെ കന്യാസ്ത്രീയുടെ ബന്ധുക്കള്‍ തിങ്കളാഴ്ച ഹൈക്കോടതിയെ സമീപിക്കാനിരിക്കുകയാണ്. അറസ്റ്റ് വൈകുന്നതില്‍ പ്രതിഷേധിച്ച് കന്യാസ്ത്രീകള്‍ സമരത്തിലേക്ക് കടന്നിരിക്കുന്ന സാഹചര്യത്തിലാണ് പോലീസിന് മേല്‍ സമ്മര്‍ദ്ദം ഉയരുന്നത്.