പ്രദേശത്തിന്‍റെ സ്ഥിതി വിലയിരുത്തിയാകണം പള്ളികള്‍ തുറക്കേണ്ടത്: ദക്ഷിണ കേരള ജംഇയ്യത്തുല്‍ ഉലമാ

തിരുവനന്തപുരം: സംസ്ഥാനത്തെ പള്ളികള്‍ തുറക്കുന്നത് പ്രദേശത്തെ സാഹചര്യങ്ങള്‍ വിലയിരുത്തികൊണ്ടാകണമെന്ന് ദക്ഷിണ കേരള ജംഇയ്യത്തുല്‍ ഉലമാ. ലോക്ക് ഡൗണ്‍ ഇളവുകളുടെ പശ്ചാത്തലത്തില്‍ ചൊവ്വാഴ്ച മുതലാണ് സംസ്ഥാനത്തെ ആരാധനാലയങ്ങള്‍ നിയന്ത്രണങ്ങളോടെ തുറക്കുന്നത്. ഇതിന്റെ പശ്ചാതലത്തിലാണ് ജംഇയത്തുല്‍ ഉലമയുടെ നിര്‍ദേശം.

Also Read: മലപ്പുറത്ത് അഞ്ച് ദിവസത്തിനിടെ നടന്നത് രണ്ട് കൊവിഡ് മരണങ്ങള്‍; ഹംസക്കോയ യാത്രയായത് സ്വന്തംനാടിനോടുള്ള അടങ്ങാത്ത സ്‌നേഹം ബാക്കിയാക്കി!!

മഹല്ല് ഭാരവാഹികളും ഇമാമുമാരും കൂടിയാലോചിച്ച് വിശ്വാസികള്‍ക്ക് കൃത്യമായ മാര്‍ഗ നിര്‍ദേശങ്ങള്‍ നല്‍കണമെന്നും ദക്ഷിണ കേരള ജംഇയ്യത്തുല്‍ ഉലമാ ജ. സെക്രട്ടറി തൊടിയൂര്‍ മുഹമ്മദ് കുഞ്ഞ് മൗലവി അറിയിച്ചു. രോഗികള്‍ കൂടുന്ന സാഹചര്യത്തില്‍ എറണാകുളം ജില്ലയിലെ പള്ളികള്‍ തുറക്കേണ്ടെന്ന് സംയുക്ത മഹല്ല് കമ്മിറ്റി തീരുപമാനിച്ചിട്ടുണ്ട്.

Also Read: തൃശൂര്‍ ജില്ലയില്‍ 16 പേര്‍ക്ക് കൂടി കൊവിഡ് -19; ഒരു കുടുംബത്തിലെ അഞ്ച് പേര്‍... ഇതോടെ ജില്ലയില്‍ രോഗം സ്ഥിരീകരിച്ചവരുടെ എണ്ണ 77 ആയി!

കോഴിക്കോട് മൊയ്തീന്‍ പള്ളിയും ,നടക്കാവ് പള്ളിയും സമാന നിലപാടാണ് ഇപ്പോള്‍ സ്വീകരിച്ചിരിക്കുന്നത്. കണ്ണൂരില്‍ സുന്നി സംഘടനകളുടെ ആസ്ഥാനമായ അബ്‌റാര്‍ മസിജിദും തത്ക്കാലം തുറക്കില്ലെന്നാണ് റിപ്പോര്‍ട്ട്. തിരുവനന്തപുരം പാളയം ജുമാ മസ്ജിദും തുറക്കില്ല. അതേസമയം പുനലൂര്‍ ആലഞ്ചേരി മുസ്‌ലീം ജമാഅത്തിന്റെ നിയന്ത്രണത്തിലുള്ള പള്ളികളും ഇപ്പോള്‍ തുറക്കില്ലെന്ന നിലപാടിലാണ്. പത്ത് വയസ്സിന് താഴെ പ്രായമുള്ളവര്‍ക്കും 65 വയസ്സിന് മുകളില്‍ പ്രായമുള്ളവര്‍ക്കും കൊവിഡ് മാനദണ്ഡങ്ങള്‍ അനുസരിച്ച് ആരാധനാലയങ്ങളിലേക്ക് പ്രവേശനമില്ല.