കെ കരുണാകരനു ശേഷമുള്ള മികച്ച പ്രതിപക്ഷ നേതാവ് ചെന്നിത്തലയെന്ന് പിസി ജോർജ്ജ്

തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്ക് പിന്തുണയുമായി ജനപക്ഷം നേതാവ് പിസി ജോർജ്ജ്. കെ കരുണാകരനു ശേഷമുള്ള മികച്ച പ്രതിപക്ഷ നേതാവാണ് രമേശ് ചെന്നിത്തലയെന്ന് പിസി ജോർജ്ജ് പറഞ്ഞു.

ചെന്നിത്തലയെ ചെറുതാക്കി കാണിക്കുന്നത് വലിയ അപകടം ചെയ്യും. പൂഞ്ഞാറിലോ പാലായിലോ മത്സരിക്കുമെന്നും പിസി ജോർജ്ജ് പറഞ്ഞു, ഏഷ്യാനെറ്റ് ന്യൂസ് റിപ്പോർട്ട് ചെയ്തു.

കിഴക്കമ്പലത്തെ കടമ്പ്രയാറിൽ കോളിഫോം സാന്നിധ്യം അപകടകരം; 200 ഇരട്ടിയെന്ന് റിപ്പോർട്ട്
അതേസമയം, യുഡിഎഫുമായി സഹകരിച്ചുപോകാൻ തയ്യാറാണെന്ന് പിസി ജോർജ്ജ് നേരത്തെ വ്യക്തമാക്കിയിരുന്നു. പൂഞ്ഞാർ വിട്ടുകൊടുക്കില്ലെന്നും ജനങ്ങളുടെ ഔദാര്യംകൊണ്ടു കിട്ടിയ സീറ്റാണ് പൂഞ്ഞാർ എന്നും പിസി ജോർജ്ജ് പറഞ്ഞു.

പാലായിൽ ജോസ് കെ മാണി മത്സരിക്കുകയാണെങ്കിൽ എതിരാളി താനായിരിക്കുമെന്നും പിസി ജോർജ്ജ് പറഞ്ഞു. അതേസമയം, മാണി സി കാപ്പൻ യുഡിഎഫിലെത്തിയാൽ എതിർ സ്ഥാനാർത്ഥിയാകില്ലെന്നും ജോർജ്ജ് പറഞ്ഞിരുന്നു.