ജിഷ വധം: അമീറുളിന്റെ ജാമ്യാപേക്ഷ തള്ളി

കൊച്ചി: ജിഷ വധക്കേസ് പ്രതി അമീറുള്‍ ഇസ്ലാമിന്റെ ജാമ്യപേക്ഷ കോടതി തള്ളി. എറണാകുളം സെഷന്‍സ് കോടതിയാണ് ജാമ്യം തള്ളിയത്. മൂന്ന് മാസം കസ്റ്റഡിയിലുള്ള പ്രതിക്ക് ജാമ്യത്തിന് അര്‍ഹതയുണ്ടെന്ന് പ്രതിഭാഗം വാദിച്ചു. എന്നാല്‍ ജാമ്യം നല്‍കിയാല്‍ പ്രതി നാട് വിട്ടുപോകാന്‍ സാധ്യതയുണ്ടെന്നും സാക്ഷികളെ സ്വാധീനിക്കുമെന്നും പ്രോസിക്യൂഷന്‍ വാദിച്ചു. ഈ വാദം അംഗീകരിച്ചാണ് ജാമ്യാപേക്ഷ കോടതി തള്ളിയത്.

ജിഷ വധക്കേസില്‍ ഏക പ്രതി അമീര്‍ ഉള്‍ ഇസ്ലാം കോടതിയില്‍ കുറ്റം നിഷേധിച്ചു. കൊല നടത്തിയത് തന്‍റെ സുഹൃത്ത് അനാറുള്‍ ഇസ്ലാം ആണെന്നും താന്‍ അനാറുളിനൊപ്പം പോകുക മാത്രമാണ് ചെയ്തതെന്നും അമീര്‍ കോടതിയില്‍ പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു. അമീര്‍ ഒറ്റയ്ക്കാണ് ജിഷയെ കൊന്നതെന്നാണ് കേസില്‍ കുറ്റപത്രം.