ജിഷവധം: കസ്റ്റഡിയിലുള്ളവരെ വിട്ടയച്ചു

പെരുമ്പാവൂര്‍: ജിഷവധക്കേസില്‍ പുതിയ നീക്കങ്ങളുമായി പോലീസ്. കസ്റ്റഡിയിലുള്ള മുഴുവന്‍ പേരേയും പോലീസ് ഇന്നലെ രാത്രി വിട്ടയച്ചു. ജിഷ കൊല്ലപ്പെട്ടതിന് ശേഷം നാല് അന്യസംസ്ഥാന തൊഴിലാളികൾ പെരുമ്പാവൂരിൽ നിന്ന് ബംഗാളിലേക്ക് പോയതായി പോലീസ് കണ്ടെത്തി. ഇവരെ തേടി അന്വേഷണ സംഘം ബംഗാളില്‍ എത്തിയിട്ടുണ്ടെന്നാണ് പുതിയ റിപ്പോര്‍ട്ട്.

ജിഷയുടെ കൊലയാളി കസ്റ്റഡിയിലുണ്ടെന്ന അഭ്യൂഹം നിലനിൽക്കുന്നിതിനിടെയാണ് പോലീസ് കസ്റ്റഡിയിലുള്ളവരെ വിട്ടയച്ചത്.

കേസ് അവസാനഘട്ടത്തിലാണെന്നും രണ്ട് ദിവസത്തിനകം പ്രതിയെ ലോകത്തിന് മുന്‍പിലെത്തിക്കുമെന്നുമാണ് പോലീസ് വൃത്തങ്ങളിൽ നിന്നുള്ള സൂചന.