അമീറിനെ കസ്റ്റഡിയിൽ വിടണമെന്ന അപേക്ഷ ഇന്ന് പരിഗണിച്ചേക്കും

കൊച്ചി: ജിഷ വധക്കേസിലെ പ്രതി അമിറുള്‍ ഇസ്ലാമിനെ ഏഴു ദിവസത്തേക്ക് കസ്റ്റഡിയിൽ വിടണമെന്ന പോലീസിന്‍റെ അപേക്ഷ ഇന്ന് പെരുമ്പാവൂർ ജുഡീഷ്യൽ മജിസ്ട്രേറ്റ് കോടതി പരിഗണിച്ചേക്കും.

കേസിലെ പ്രധാന പ്രതിയെ തിരിച്ചറിഞ്ഞ സാഹചര്യത്തിലാണ് പോലീസ് ഇൗ ആവശ്യം മുന്നോട്ട് വച്ചിരിക്കുന്നത്. എന്നാൽ അമിറുള്‍ ഇസ്ലാം വാടക കൊലയാളി ആണെന്ന സംശയം അന്വേഷണ സംഘത്തിന് കൂടിവരികയാണ്.

ഇന്നലെ നടന്ന തിരിച്ചറിയൽ പരേഡിൽ ജിഷയുടെ അയൽവാസി പ്രതിയെ തിരിച്ചറിഞ്ഞിരുന്നു. മജിസ്ട്രേറ്റ് ഷിബു ഡാനിയേലാണ് തിരിച്ചറിയൽ പരേഡിന് നേത്യത്വം വഹിച്ചത്. തിരിച്ചറിയൽ പരേഡിന് ശേഷം പ്രതിയെ മുഖം മറയ്ക്കാതെ പൊതുജനത്തിന് മുന്നിൽ എത്തിക്കും.