ജിഷ വധം: രണ്ട് നിര്‍മാണ തൊഴിലാളികള്‍ കസ്റ്റഡിയില്‍

എറണാകുളം: പെരുമ്പാവൂരില്‍ നിയമവിദ്യാര്‍ഥിനി ജിഷ കൊലപ്പെട്ട കേസില്‍ രണ്ട് നിര്‍മാണ തൊഴിലാളികള്‍ അറസ്റ്റിൽ. ഇവരെ ജിഷയുടെ അമ്മയുടെ മുന്നിലെത്തിച്ച് തെളിവെടുത്തു. ഇവരിൽ ഒരാൾ ജിഷയുടെ വീടുപണിക്കായി എത്തിയയാളാണ്.

ഇയാൾ ഫെബ്രുവരി മാസത്തിൽ ജിഷയുടെ ഫോണിലേക്ക് നിരവധി തവണ വിളിച്ചിരുന്നു. ഈ വിവരത്തെ തുടർന്നാണ് ഇയാളെ പോലീസ് അറസ്റ്റ് ചെയ്തത്.

സംഭവത്തില്‍ ആഭ്യന്തര സെക്രട്ടറിക്ക് റിപ്പോര്‍ട്ട് നല്‍കിയതായി എറണാകുളം കളക്ടര്‍ എം.ജി. രാജമാണിക്യം അറിയിച്ചു. ജിഷയുടെ അമ്മയ്ക്ക് വിദഗ്ധ ഡോക്ടര്‍മാരുടെ ചികിത്സ ഉറപ്പാക്കുമെന്നും അദ്ദേഹം പറഞ്ഞു.

സംഭവം നിര്‍ഭാഗ്യകരമാണെന്നും എത്രയും പെട്ടന്ന് പ്രതികളെ നിയമത്തിന് മുന്നില്‍ കൊണ്ടുവരണമെന്നും ജിഷയുടെ അമ്മയെ സന്ദർശിച്ച കേന്ദ്ര പട്ടികജാതി കമ്മീഷന്‍ ചെയര്‍മാന്‍ പി.എല്‍ പൂനിയ ആവശ്യപ്പെട്ടു.

എല്ലാ സ്വപ്‌നങ്ങളും പ്രതീക്ഷകളും മകളുടെ ഭാവിയിലായിരുന്നു. അവര്‍ ആകെ തകര്‍ന്നിരിക്കുകയാണ്. നല്ല ചികിത്സയാണ് ഇപ്പോള്‍ ആവശ്യമെന്നും അദ്ദേഹം കൂട്ടിച്ചേർത്തു.