കോട്ടയം: കേരള കോൺഗ്രസിലെ ജോസഫ് വിഭാഗത്തെ പ്രതിരോധിക്കാൻ കത്തുമായി ജോസഫ് കെ മാണി വിഭാഗം തെരഞ്ഞെടുപ്പ് കമ്മീഷനെ സമീപിച്ചു. സംസ്ഥാന സമിതി വിളിച്ചുചേര്ക്കാൻ നിര്ദ്ദേശിക്കണമെന്ന ആവശ്യവുമായി ജോസഫ് കെ മാണി വിഭാഗം തെരഞ്ഞെടുപ്പ് കമ്മീഷന് കത്ത് നൽകി. രണ്ട് എംപിമാരും രണ്ട് എംഎൽഎമാരും കത്തിൽ ഒപ്പുവച്ചിട്ടുണ്ട്. കേരള കോൺഗ്രസ് മുൻ ചെയര്മാൻ കെ എം മാണിയുടെ മരണത്തിശേഷം സംസ്ഥാന കമ്മിറ്റി വിളിച്ചിട്ടില്ല. ഇതുവരെ സംസ്ഥാന ചെയര്മാനെ തെരഞ്ഞെടുത്തിട്ടില്ല. ഇതിന് താൽകാലിക ചെയര്മാനായ പി ജെ ജോസഫ് തയ്യാറായിട്ടില്ല. മുൻപ് ജോസഫ് വിഭാഗത്തെ പ്രതിനിധീകരിച്ച് കത്ത് നൽകിയ ജോയ് എബ്രഹാമിന് പ്രത്യേക അധികാരങ്ങളൊന്നുമില്ലെന്നും കത്തിൽ പറയുന്നു.
പി ജെ ജോസഫിന് അധികാരങ്ങളുണ്ടെന്ന് ചൂണ്ടിക്കാട്ടി ജനറൽ സെക്രട്ടറി ജോയ് എബ്രഹാം തെരഞ്ഞെടുപ്പ് കമ്മീഷന് കത്ത് നൽകിയിരുന്നു. ഇതിന് ബദലായാണ് ജോസ് കെ മാണി വിഭാഗം തെരഞ്ഞെടുപ്പ് കമ്മീഷനെ സമീപിച്ചിരിക്കുന്നത്.
പി ജെ ജോസഫിന് അധികാരങ്ങളുണ്ടെന്ന് ചൂണ്ടിക്കാട്ടി ജനറൽ സെക്രട്ടറി ജോയ് എബ്രഹാം തെരഞ്ഞെടുപ്പ് കമ്മീഷന് കത്ത് നൽകിയിരുന്നു. ഇതിന് ബദലായാണ് ജോസ് കെ മാണി വിഭാഗം തെരഞ്ഞെടുപ്പ് കമ്മീഷനെ സമീപിച്ചിരിക്കുന്നത്.