കലാശക്കൊട്ട് കോപ്രായമെന്ന് ജസ്റ്റിസ് കമാല്‍ പാഷ

തൃശ്ശൂര്‍: കലാശക്കൊട്ട്‌ എന്ന പേരില്‍ റോഡില്‍ നടക്കുന്നത്‌ കോപ്രായമാണെന്ന്‌ ജസ്‌റ്റിസ്‌ കമാല്‍ പാഷ. സാംസ്‌കാരിക കേരളത്തിന്റെ അധപതനമാണ്‌ ഈ കാഴ്‌ച്ചയെന്നും ഇതുമൂലം മണിക്കൂറുകള്‍ സാധാരണക്കാര്‍ റോഡില്‍ കുടുങ്ങുന്നുവെന്നും അദ്ദേഹം പറഞ്ഞു.

ജീവിക്കാനുള്ള അവകാശത്തിനെതിരാണ്‌ കലാശക്കൊട്ട്. മിക്കവാറും കലാശക്കൊട്ടുകളും കള്ളുകുടിച്ചിട്ടുള്ള പേക്കൂത്തായി മാറുകയാണ്. സ്‌ഥാനാര്‍ഥികള്‍ ആറുമണിക്ക്‌ അവസാനിപ്പിച്ചു പോയാലും മദ്യലഹരിയില്‍ ആവേശം കാട്ടുന്ന ഇത്തരക്കാര്‍ വീണ്ടും റോഡില്‍ തുടരുമെന്നും അദ്ദേഹം പറഞ്ഞു.