കൊല്ലം: പത്തനാപുരത്ത് എംഎല്‍എ ഫണ്ട് ഉപയോഗിച്ച്‌ നിര്‍മിച്ച കെട്ടിടത്തിൻ്റെ സീലിങ് തകര്‍ന്നുവീണ സംഭവത്തില്‍ വിജിലന്‍സ് അന്വേഷണം ആവശ്യപ്പെട്ട് മുഖ്യമന്ത്രിക്ക് കത്ത് നല്‍കിയതായി കെ ബി ഗണേഷ് കുമാര്‍. തലവൂര്‍ ആയുര്‍വേദാശുപത്രി സന്ദര്‍ശിച്ച ശേഷമാണ് ഗണേഷ് കുമാർ ഇക്കാര്യം വ്യക്തമാക്കിയത്. ആരോഗ്യമന്ത്രി രണ്ട് മാസം മുമ്പ് ഉദ്ഘാടനം ചെയ്ത കെട്ടിടത്തിൻ്റെ സീലിങ് ആണ് തകര്‍ന്നുവീണത്.
കെ ബി ഗണേഷ് കുമാര്‍ എംഎല്‍എയുടെ ആസ്തി വികസന ഫണ്ടില്‍ നിന്നും മൂന്നു കോടി രൂപ ചെലവിട്ടാണ് ആശുപത്രിക്കായി പുതിയ കെട്ടിടം നിര്‍മിച്ചത്. കെട്ടിടത്തിന് ചോര്‍ച്ച ഉണ്ടെന്ന വിവരം നേരത്തെ ലഭിച്ചിരുന്നുവെന്ന് എംഎല്‍എ പറഞ്ഞു. കെട്ടിടം പണിതതിൻ്റെ ബില്‍ പൂര്‍ണമായും മാറി നല്‍കിയിട്ടില്ല. ആവശ്യമെങ്കില്‍ കരാറുകാരനെ കരിമ്പട്ടികയില്‍ പെടുത്തും. ഒരു അഴിമതിയും അനുവദിക്കില്ലെന്നും എക്സിക്യൂട്ടീവ് എഞ്ചിനീയര്‍ സ്ഥലത്ത് പരിശോധന നടത്തുമെന്നും ഗണേഷ് കുമാര്‍ പറഞ്ഞു.
സംഭവത്തില്‍ പ്രതിഷേധിച്ച്‌ യുവമോര്‍ച്ച പ്രവര്‍ത്തകര്‍ ആശുപത്രിയിലേക്ക് മാര്ച്ച് നടത്തി. മാര്ച്ച് ആശുപത്രിക്ക് സമീപം പോലീസ് തടഞ്ഞു. പ്രവര്‍ത്തരും പോലീസും തമ്മിൽ അല്‍പസമയം ഉന്തും തള്ളും ഉണ്ടായി. ഇന്നലെ രാത്രി 10 മണിയോടെയാണ് സീലിങ് തകര്‍ന്നത്. ആളപായമില്ല. കെട്ടിടം വൃത്തിയായി സൂക്ഷിക്കാത്തതിന് എംഎല്‍എ നേരത്തെ ഡോക്ടര്‍മാരെയും ജീവനക്കാരെയും ശകാരിച്ചിരുന്നു
കെ ബി ഗണേഷ് കുമാര്‍ എംഎല്‍എയുടെ ആസ്തി വികസന ഫണ്ടില്‍ നിന്നും മൂന്നു കോടി രൂപ ചെലവിട്ടാണ് ആശുപത്രിക്കായി പുതിയ കെട്ടിടം നിര്‍മിച്ചത്. കെട്ടിടത്തിന് ചോര്‍ച്ച ഉണ്ടെന്ന വിവരം നേരത്തെ ലഭിച്ചിരുന്നുവെന്ന് എംഎല്‍എ പറഞ്ഞു. കെട്ടിടം പണിതതിൻ്റെ ബില്‍ പൂര്‍ണമായും മാറി നല്‍കിയിട്ടില്ല. ആവശ്യമെങ്കില്‍ കരാറുകാരനെ കരിമ്പട്ടികയില്‍ പെടുത്തും. ഒരു അഴിമതിയും അനുവദിക്കില്ലെന്നും എക്സിക്യൂട്ടീവ് എഞ്ചിനീയര്‍ സ്ഥലത്ത് പരിശോധന നടത്തുമെന്നും ഗണേഷ് കുമാര്‍ പറഞ്ഞു.
സംഭവത്തില്‍ പ്രതിഷേധിച്ച്‌ യുവമോര്‍ച്ച പ്രവര്‍ത്തകര്‍ ആശുപത്രിയിലേക്ക് മാര്ച്ച് നടത്തി. മാര്ച്ച് ആശുപത്രിക്ക് സമീപം പോലീസ് തടഞ്ഞു. പ്രവര്‍ത്തരും പോലീസും തമ്മിൽ അല്‍പസമയം ഉന്തും തള്ളും ഉണ്ടായി. ഇന്നലെ രാത്രി 10 മണിയോടെയാണ് സീലിങ് തകര്‍ന്നത്. ആളപായമില്ല. കെട്ടിടം വൃത്തിയായി സൂക്ഷിക്കാത്തതിന് എംഎല്‍എ നേരത്തെ ഡോക്ടര്‍മാരെയും ജീവനക്കാരെയും ശകാരിച്ചിരുന്നു