കെ ബാബുവിന്‍റെ ഭാര്യയെയും സഹോദരനെയും ചോദ്യം ചെയ്തു

കൊച്ചി: മുൻ എക്സൈസ് മന്ത്രി കെ. ബാബുവിന്‍റെ ഭാര്യ ഗീതയെയും സഹോദരന്‍ കെ.കെ ജോഷിയെയും അനധികൃത സ്വത്ത് സമ്പാദന കേസ്‍ അന്വേഷണത്തിന്‍റെ ഭാഗമായി വിജിലൻസ് ചോദ്യം ചെയ്തു. ബാങ്ക് ലോക്കറിൽ സൂക്ഷിച്ചിരുന്ന സ്വർണം മാറ്റിയതിന്‍റെ വിശദാംശങ്ങൾ ലഭിക്കുന്നതിന് വേണ്ടിയാണ് ഗീതയെ ചോദ്യം ചെയ്തത്.

ബാങ്കിലെ ലോക്കര്‍ രണ്ടു മാസം മുമ്പ്​ ഗീത പരിശോധിച്ചതിന്‍റെ സി.സി ടിവി ദൃശ്യങ്ങൾ വിജിലൻസിന്​ ലഭിച്ചിരുന്നു. ഈ ദൃശ്യങ്ങളുടെ അടിസ്ഥാനത്തിലാണ്​ ഗീതയെ ചോദ്യം ചെയ്​തത്​. മൂന്നു മണിക്കൂറോളം ചോദ്യം ചെയ്യൽ നീണ്ടു നിന്നു.

ബാബുവിന്‍റെ സഹോദരനും എൽ.​​ഐ.സി ഉദ്യോഗസ്ഥനുമായ കെ.കെ ​ജോഷിയെ വിജിലൻസ്​ ആസ്ഥാനത്തേക്ക്​ വിളിച്ചുവരുത്തി ചോദ്യം ചെയ്തു. സാമ്പത്തിക ഇടപാടുകൾ അറിയുന്നതിനാണ്​ ജോഷിയെ ചോദ്യം ചെയ്തത്. ജോഷിക്കെതിരെയും വിജിലൻസിൽ പരാതി ലഭിച്ചിരുന്നു.

K .Babu's wife and brothew were questioned by vigilence in connection with the case filed against him.