മന്ത്രി കെ.കെ.ശൈലജക്ക് ഹൈക്കോടതിയിൽ നിന്ന് തിരിച്ചടി

കൊച്ചി: തനിക്കെതിരെ ബാലവകാശ കമ്മീഷൻ നിയമനത്തിൽ കോടതി നടത്തിയ പരാമർശങ്ങൾ നീക്കണമെന്ന് ആവശ്യപ്പെട്ട് മന്ത്രി കെ.കെ.ശൈലജ നൽകിയ അപേക്ഷ ഹൈക്കോടതി നിരസിച്ചു

സിംഗിൾ ബെഞ്ച് നടത്തിയ പരാമർശം നീക്കണമെന്നായിരുന്നു മന്ത്രിയുടെ ആവശ്യം. എന്നാൽ അത് പറ്റില്ലെന്ന് ചീഫ് ജസ്റ്റിസ് അധ്യക്ഷനായ ബെഞ്ച് വ്യക്തമാക്കി. 12 ക്രിമിനൽ കേസുകളിൽ പ്രതിയായ ആൾ ബാലാവകാശ കമ്മീഷനിൽ അംഗമായത് എങ്ങനെയെന്ന് മന്ത്രി വ്യക്തമാക്കണമെന്ന് ഹൈക്കോടതി ആവശ്യപ്പെട്ടു.

പരാമർശം നീക്കണമെന്ന ആവശ്യമല്ല, പുനഃപരിശോധനാ ഹർജിയാണ് മന്ത്രി ഹൈക്കോടതിയിൽ സമർപ്പിക്കേണ്ടതെന്നും കോടതി വ്യക്തമാക്കി. കേസ് നാളെ വീണ്ടും പരിഗണിക്കും.

K.K.Shailaja gets blow from kerala highcourt

Kerala High court asks K K Shailaja to explain why she appointed a criminal in child srights'commission