ബിജെപിയുമായി വേദി പങ്കിട്ട് കെ.എം.മാണി

കൊച്ചി: ബിജെപിയുടെ ന്യൂനപക്ഷ മോർച്ച കൊച്ചിയിൽ സംഘടിപ്പിച്ച വേദിയിൽ കെ.എം.മാണി. ക്രിസോസ്റ്റം വലിയ മെത്രാപ്പോലീത്തയെ ആദരിക്കുന്ന ചടങ്ങിലാണ് മാണി പങ്കെടുത്തത്. യുഡിഎഫ് വിട്ട കേരള കോൺഗ്രസ് ഏത് മുന്നണിയിൽ ചേക്കേറും എന്ന ചർച്ചകൾ നടക്കുന്നതിനിടെയാണ് പാർട്ടി അധ്യക്ഷൻ ബിജെപിയുടെ വേദിയിൽ എത്തിയത്.

ബിജെപി സംസ്ഥാനാധ്യക്ഷൻ കുമ്മനം രാജശേഖരനും മറ്റ് നേതാക്കളും വേദിയിൽ ഉണ്ടായിരുന്നു. മാണിയും കൂട്ടരും എൽഡിഎഫിലേക്ക് പോകുമെന്നും നേരത്തെ അഭ്യൂഹങ്ങളുണ്ടായിരുന്നു. കേരള കോൺഗ്രസ് ഇന്ത്യയുടെ ഭാഗമാകുമെന്നും വാർത്ത വന്നിരുന്നു. എന്നാൽ ഈ സാധ്യതകൾ എല്ലാം മാണി നേരത്തെ തള്ളിക്കളഞ്ഞിരുന്നു.

K M Mani on BJP stage