പിണറായി കോടികള്‍ മുടക്കിയുണ്ടാക്കിയ ഇമേജ് തകര്‍ന്നു; പകപോക്കലെന്ന് കെ എം ഷാജി

കണ്ണൂര്‍: തനിക്കെതിരെയുള്ള കേസിനു പിന്നിലുള്ള ഏക വ്യക്തി മുഖ്യമന്ത്രി പിണറായി വിജയനെന്ന് കെ എം ഷാജി എംഎല്‍എ. ദുരിതാശ്വാസ ഫണ്ടിനെതിരെ ആരോപണം ഉന്നയിച്ചതിന്റെ പേരില്‍ മുഖ്യമന്ത്രി തന്നെ വേട്ടയാടുന്നെന്ന് കെ എം ഷാജി പറഞ്ഞു. 25 ലക്ഷം കോഴ വാങ്ങിയെന്ന പരാതിയില്‍ വിജിലന്‍സ് അന്വേഷണത്തിന് സര്‍ക്കാര്‍ അനുമതി നല്‍കിയതില്‍ പ്രതികരിക്കുകയായിരുന്നു അദ്ദേഹം.

Also Read: പ്രവാസികളെ തിരികെ കൊണ്ടുവരാനാവില്ലെന്ന് കേന്ദ്രം ഹൈക്കോടതിയില്‍

'തനിക്കെതിരെ കേസെടുപ്പിച്ചത് മുഖ്യമന്ത്രിയാണ്. പിണറായി കോടികള്‍ മുടക്കി ഉണ്ടാക്കിയ ഇമേജ് തകര്‍ത്തതിന്റെ പകയാണ്. ഒന്നല്ല നൂറു കേസ് വന്നാലും വീട്ടിലിരിക്കുമെന്ന് കരുതണ്ട. തുടര്‍ നിയമനടപടികള്‍ പാര്‍ട്ടിയുമായി ആലോചിച്ച് തീരുമാനിക്കും'- ഷാജി പറഞ്ഞു.

Also Read: Live: കർണാടകത്തിൽ 38 പേർക്ക് കൊറോണ വൈറസ്

'ഒരു സ്‌കൂളിന് സീറ്റ് അനുവദിക്കാന്‍ അവകാശമുള്ളയാളല്ല ഞാന്‍ അപ്പോഴഉം ഇപ്പോഴും. പിന്നെ എങ്ങനെയാണ് സീറ്റ് അനുവദിക്കാന്‍ പണം വാങ്ങുക. ഞാന്‍ ഒരു കാലത്തംു മന്ത്രിയായിരുന്നില്ല. അതുമായി ബന്ധപ്പെട്ട ഒരു സ്ഥാനത്തും ഇരുന്നിട്ടില്ല. ഇപ്പോള്‍ അങ്ങനെ ഒരു കേസു എടുക്കാനിടയാക്കിയത് മുഖ്യമന്ത്രിയെ വിമര്‍ശിച്ചത് മാത്രമാണ്', കെ എം ഷാജി കൂട്ടിച്ചേര്‍ത്തു.