തൃശൂർ: മുരളീമന്ദിരത്തിൽ പത്മജ വേണുഗോപാലിൻ്റെ നേതൃത്വത്തിൽ ബിജെപിയുടെ പരിപാടി നടത്തിയതിനെതിരെ കെ മുരളീധരൻ. അമ്മ മരിച്ചതിന്റെ ഓർമദിനമായ ഇന്ന് രാഷ്ട്രീയമായ ഒരു കാര്യത്തിന് ഉപയോഗിച്ചത് ശരിയായില്ല. അമ്മയുടെ കർമങ്ങൾ നടക്കുന്ന ദിവസം ഇത്തരം ഒരു രാഷ്ട്രീയ പരിപാടി സ്വീകരിച്ചത് തരംതാണ നടപടിയാണ്. ഇത് ഒരിക്കലും പ്രതീക്ഷിച്ചിരുന്നില്ലെന്നും കെ മുരളീധരൻ പറഞ്ഞു.
ഞങ്ങൾ നടത്തുമ്പോൾ അത് ഡിസിസിയാണ് നടത്താറ്. അന്നും അത് പാർട്ടി ചടങ്ങായി നടത്താറില്ല. ഇന്ന് ഇത്രയും ചീപ്പായ ഒരു കളി താൻ പ്രതീക്ഷിച്ചില്ല. തെരഞ്ഞെടുപ്പ് തിരക്കായതുകൊണ്ടാണ് ഇംഗ്ലീഷ് മാസത്തിലെ ദിനം അനുസ്മരണത്തിന് ഉപയോഗിച്ചത്. ഇനിയുള്ള അനുസ്മരണങ്ങളിൽ ഞാനുമുണ്ടാകുമല്ലോ. ഇനി കൂടുതൽ വിജിലന്റാകും- അദ്ദേഹം പറഞ്ഞു.
മുരളീമന്ദിരത്തിന്റെ കാര്യത്തിൽ തന്നെയാരും ഉപദേശിക്കാൻ വരണ്ട. എന്താണ് ചെയ്യേണ്ടതെന്ന് തനിക്കറിയാം. എന്തിനും 26 കഴിയട്ടെ, അതിനുശേഷം നോക്കാം. ഇത് രാഷ്ട്രീയ പോരാട്ടമാണ്. ഇന്ത്യാരാജ്യം ആരാണ് ഭരിക്കേണ്ടതെന്ന് തീരുമാനിക്കേണ്ട തെരഞ്ഞെടുപ്പിൽ കുടുംബകാര്യം സംസാരിക്കേണ്ടതില്ല. പ്രാർഥിക്കുന്നത് നല്ലതാണ്. എന്റെ അമ്മയുടെയും അച്ഛന്റെയും സ്മൃതിമണ്ഡപത്തിൽ പ്രാർഥിച്ചാൽ ബുദ്ധിയില്ലാത്തവർക്ക് ബുദ്ധിവരും. ഇന്ന് പ്രാർഥിച്ചവർക്ക് നാളെ ബുദ്ധിവരുമെന്നും മുരളീധരൻ പറഞ്ഞു.
മുരളീമന്ദിരമെന്ന കെട്ടിടം തനിക്ക് വേണ്ടതില്ല. എന്നാൽ തന്റെ അച്ഛനും അമ്മയും ഉറങ്ങുന്ന സ്ഥലം താൻ ജീവിച്ചിരിക്കുമ്പോൾ സംഘികൾക്ക് വിട്ടുകൊടുക്കില്ല. ഇങ്ങനെ ഒരു നിലപാട് എടുത്തിരുന്നില്ലെങ്കിൽ താൻ സ്വയം ആ വീടിന്റെ അവകാശം അവർക്ക് എഴുതിക്കൊടുക്കുമായിരുന്നു. തനിക്ക് ഇന്ന് അത്യാവശ്യം ജീവിക്കാനുള്ള സ്വത്തുണ്ട്. പാർലമെന്റിലും നിയമസഭയിലും നിന്ന് കിട്ടുന്ന പെൻഷനുമുണ്ട്. അതുകൊണ്ട് ഏതെങ്കിലും കെട്ടിടം വേണ്ട ആവശ്യമില്ലെന്നും മുരളീധരൻ ചൂണ്ടിക്കാട്ടി.
"സംഘികളുടെ മുദ്രാവാക്യം കേൾക്കേണ്ട അവസ്ഥയൊന്നും കെ കരുണാകരനില്ല. എന്തായാലും ഞങ്ങൾ ഒരു പ്രതിജ്ഞയെടുക്കുകയാണ്. ഈ വർഗീയ ശക്തികളെ തൃശൂരിന്റെ മണ്ണിൽനിന്നു തുടച്ചുനീക്കും. അത് എന്ത് അന്തർധാരയുണ്ടായാലും. അമ്മയുടെ ഓർമദിനത്തിൽ ഞാനൊരു പ്രതിജ്ഞയെടുക്കുകയാണ്. ഈ വർഗീയ കക്ഷികളെ, ബിജെപി ആർഎസ്എസ് കക്ഷികളെ തൃശൂരിന്റെ മണ്ണിൽനിന്നു തുടച്ചു നീക്കിയിട്ടേ ഞാൻ പോകൂ"- കെ മുരളീധരൻ പറഞ്ഞു.
ഞങ്ങൾ നടത്തുമ്പോൾ അത് ഡിസിസിയാണ് നടത്താറ്. അന്നും അത് പാർട്ടി ചടങ്ങായി നടത്താറില്ല. ഇന്ന് ഇത്രയും ചീപ്പായ ഒരു കളി താൻ പ്രതീക്ഷിച്ചില്ല. തെരഞ്ഞെടുപ്പ് തിരക്കായതുകൊണ്ടാണ് ഇംഗ്ലീഷ് മാസത്തിലെ ദിനം അനുസ്മരണത്തിന് ഉപയോഗിച്ചത്. ഇനിയുള്ള അനുസ്മരണങ്ങളിൽ ഞാനുമുണ്ടാകുമല്ലോ. ഇനി കൂടുതൽ വിജിലന്റാകും- അദ്ദേഹം പറഞ്ഞു.
മുരളീമന്ദിരത്തിന്റെ കാര്യത്തിൽ തന്നെയാരും ഉപദേശിക്കാൻ വരണ്ട. എന്താണ് ചെയ്യേണ്ടതെന്ന് തനിക്കറിയാം. എന്തിനും 26 കഴിയട്ടെ, അതിനുശേഷം നോക്കാം. ഇത് രാഷ്ട്രീയ പോരാട്ടമാണ്. ഇന്ത്യാരാജ്യം ആരാണ് ഭരിക്കേണ്ടതെന്ന് തീരുമാനിക്കേണ്ട തെരഞ്ഞെടുപ്പിൽ കുടുംബകാര്യം സംസാരിക്കേണ്ടതില്ല. പ്രാർഥിക്കുന്നത് നല്ലതാണ്. എന്റെ അമ്മയുടെയും അച്ഛന്റെയും സ്മൃതിമണ്ഡപത്തിൽ പ്രാർഥിച്ചാൽ ബുദ്ധിയില്ലാത്തവർക്ക് ബുദ്ധിവരും. ഇന്ന് പ്രാർഥിച്ചവർക്ക് നാളെ ബുദ്ധിവരുമെന്നും മുരളീധരൻ പറഞ്ഞു.
മുരളീമന്ദിരമെന്ന കെട്ടിടം തനിക്ക് വേണ്ടതില്ല. എന്നാൽ തന്റെ അച്ഛനും അമ്മയും ഉറങ്ങുന്ന സ്ഥലം താൻ ജീവിച്ചിരിക്കുമ്പോൾ സംഘികൾക്ക് വിട്ടുകൊടുക്കില്ല. ഇങ്ങനെ ഒരു നിലപാട് എടുത്തിരുന്നില്ലെങ്കിൽ താൻ സ്വയം ആ വീടിന്റെ അവകാശം അവർക്ക് എഴുതിക്കൊടുക്കുമായിരുന്നു. തനിക്ക് ഇന്ന് അത്യാവശ്യം ജീവിക്കാനുള്ള സ്വത്തുണ്ട്. പാർലമെന്റിലും നിയമസഭയിലും നിന്ന് കിട്ടുന്ന പെൻഷനുമുണ്ട്. അതുകൊണ്ട് ഏതെങ്കിലും കെട്ടിടം വേണ്ട ആവശ്യമില്ലെന്നും മുരളീധരൻ ചൂണ്ടിക്കാട്ടി.
"സംഘികളുടെ മുദ്രാവാക്യം കേൾക്കേണ്ട അവസ്ഥയൊന്നും കെ കരുണാകരനില്ല. എന്തായാലും ഞങ്ങൾ ഒരു പ്രതിജ്ഞയെടുക്കുകയാണ്. ഈ വർഗീയ ശക്തികളെ തൃശൂരിന്റെ മണ്ണിൽനിന്നു തുടച്ചുനീക്കും. അത് എന്ത് അന്തർധാരയുണ്ടായാലും. അമ്മയുടെ ഓർമദിനത്തിൽ ഞാനൊരു പ്രതിജ്ഞയെടുക്കുകയാണ്. ഈ വർഗീയ കക്ഷികളെ, ബിജെപി ആർഎസ്എസ് കക്ഷികളെ തൃശൂരിന്റെ മണ്ണിൽനിന്നു തുടച്ചു നീക്കിയിട്ടേ ഞാൻ പോകൂ"- കെ മുരളീധരൻ പറഞ്ഞു.