കൊവിഡ് കാലത്ത് മുഖ്യമന്ത്രി നടത്തുന്നത് റിയാലിറ്റി ഷോ ആണെന്ന് കെ മുരളീധരന്‍

തിരുവനന്തപുരം: കൊവിഡ് കാലത്ത് മുഖ്യമന്ത്രി പിണറായി വിജയന്‍ നടത്തുന്നത് റിയാലിറ്റി ഷോ ആണെന്ന് കെ മുരളീധരന്‍. ഇത് പ്രതിപക്ഷത്തെ അധിക്ഷേപിക്കാന്‍ മാത്രമാണെന്നും അദ്ദേഹം പറഞ്ഞു. പ്രവാസികള്‍ക്ക് സംസ്ഥാന സര്‍ക്കാര്‍ സൗകര്യങ്ങള്‍ ഒരുക്കിയിട്ടില്ലെന്ന് കെ മുരളീധരന്‍ പറഞ്ഞു. പ്രവാസികള്‍ എത്താന്‍ തുടങ്ങിയതോടെ അവരെ പാര്‍പ്പിക്കാന്‍ പോലും സൗകര്യമില്ലെന്ന് വ്യക്തമായെന്നും കെ മുരളീധരന്‍ ആരോപിച്ചു.

Also Read: 60,000 ത്തിനരികില്‍ രാജ്യത്തെ കൊവിഡ് ബാധിതര്‍, 60 % രോഗികളും എട്ടു നഗരങ്ങളില്‍ നിന്ന്

മറ്റു സംസ്ഥാനങ്ങളില്‍ നിന്ന് എപ്പോള്‍ മലയാളികളെ നാട്ടില്‍ എത്തിക്കാന്‍ കഴിയുമെന്ന് സര്‍ക്കാര്‍ വ്യക്തമാക്കണം. സര്‍ക്കാരിന് കഴിയില്ലെങ്കില്‍ മറ്റു സംസ്ഥാനങ്ങളില്‍ നിന്നുള്ളവരെ സ്വന്തം പണം ഉപയോഗിച്ച് കോണ്‍ഗ്രസ് നാട്ടിലെത്തിക്കും. ഇതിനു മുഖ്യമന്ത്രി അനുമതി നല്‍കിയാല്‍ മതിയെന്നും കെ മുരളീധരന്‍ പറഞ്ഞു. അന്യസംസ്ഥാനങ്ങളില്‍ നിന്ന് മലയാളികളെ എങ്ങനെ എത്തിക്കുമെന്നതില്‍ സംസ്ഥാന സര്‍ക്കാരിന് ആശയ കുഴപ്പമാണ്, മുരളീധരന്‍ കുറ്റപ്പെടുത്തി.

Also Read: COVID-19 Live Page: കൊവിഡ് ബാധിച്ച് ആലപ്പുഴ സ്വദേശി യുഎസില്‍ മരിച്ചു

ഹൈക്കോടതിയില്‍ കേന്ദ്രം കൊടുത്ത സത്യവാങ്മൂലത്തിന് വിരുദ്ധമാണ് സംസ്ഥാന സര്‍ക്കാരിന്റെ ക്വാറന്റൈന്‍. പ്രവാസികളെയും ഇതര സംസ്ഥാനങ്ങളില്‍ നിന്നും വരുന്നവരുടെ എണ്ണത്തില്‍ സംസ്ഥാനത്തിന് അവ്യക്തതയാണ്.