കെ റെയിലൊന്നും വരില്ല, അതിനുള്ള പണി ചെയ്തിട്ടുണ്ട്; ആര് വിചാരിച്ചാലും നടപ്പാകിലെന്ന് കെ സുരേന്ദ്രൻ

തിരുവനന്തപുരം: സംസ്ഥാനത്ത് കെ റെയിൽ ചർച്ചകൾ സജീവമാകുന്നതിനിടെ പദ്ധതിയോടുള്ള എതിർപ്പ് വ്യക്തമാക്കി ബിജെപി കേരള നേതൃത്വം. പദ്ധതി നടപ്പിലാകില്ലെന്ന് കെ സുരേന്ദ്രനും പികെ കൃഷ്ണദാസും പറഞ്ഞു. സിൽവർ ലൈനുമായി ബന്ധപ്പെട്ട് കേരളം സമ്മർദ്ദം ചെലുത്തുന്നതുകൊണ്ടാണ് പദ്ധതിയുടെ വിശദാംശങ്ങള്‍ പരിശോധിച്ച് അഭിപ്രായം അറിയിക്കാന്‍ ദക്ഷിണ റെയില്‍വേക്ക് റെയില്‍വേ ബോര്‍ഡ് നിര്‍ദേശം നൽകിയത്. കെ റെയിലൊന്നും വരാൻ പോകുന്നില്ല. സിൽവർ ലൈനൊന്നും വരാൻ പോകുന്നില്ല. അതൊരു അടഞ്ഞ അധ്യായമാണെന്ന് കെ സുരേന്ദ്രൻ പറഞ്ഞു.'സിൽവർ ലൈൻ പദ്ധതി ആര് വിചാരിച്ചാലും തൽക്കാലം കേരളത്തിൽ നടപ്പിലാകില്ല. അതിന് ആവശ്യമായ തടയിടാൻ എല്ലാ പണികളും, ആവശ്യമായ കാര്യങ്ങളെല്ലാം ഞങ്ങൾ നേരത്തെ തന്നെ ചെയ്തിട്ടുണ്ട്. ജനങ്ങളെയാകെ ദുരിതത്തിലാക്കിയിട്ട് അങ്ങനെ ഒരു ആവശ്യമില്ലല്ലോ. വന്ദേ ഭാരത് വന്നുകൊണ്ടിരിക്കുകയാണ്. ഇനിയും വരും വന്ദേ ഭാരത്. എന്തിനാണ് ഇപ്പോൾ ഇങ്ങനെ ഇല്ലാത്ത കാശ് കടമെടുത്തിട്ട് പണി ചെയ്യുന്നത്. ആദ്യം മുഖ്യമന്ത്രി പെൻഷൻ കൊടുക്കാൻ നോക്ക്' കെ സുരേന്ദ്രൻ മാധ്യമങ്ങളോട് പറഞ്ഞു.

Aluva Girl Case Verdict: ആലുവയിലെ പെൺകുട്ടിയുടെ കൊലപാതകം: ശിക്ഷാവിധി ശിശുദിനത്തിൽ

സിൽവർലൈൻ അ‍ടഞ്ഞ അധ്യായമാണെന്ന് റെയിൽവേ മന്ത്രാലയം പലവട്ടം വ്യക്തമാക്കിയതാണെന്ന് ബിജെപി നേതാവ് പി കെ കൃഷ്ണദാസും ഇന്ന് പ്രതികരിച്ചിരുന്നു. ഇക്കാര്യത്തിൽ റെയിൽവേ മന്ത്രാലയവുമായി ആശയവിനിമയം നടത്തി വ്യക്തതവരുത്തിയിട്ടുണ്ട്. സിൽവർലൈൻ റെയിൽവേ മന്ത്രാലയവും ബോർഡും പുനഃപരിശോധിക്കുന്നില്ലെന്ന് വ്യക്തമാക്കിയിട്ടുണ്ടെന്നുമാണ് കൃഷ്ണദാസ് പറയുന്നത്.

കെ റെയിൽ പദ്ധതിയുമായി ബന്ധപ്പെട്ട കാര്യങ്ങൾ കേരള റെയിൽ കോർപറേഷനുമായി വീണ്ടും ചർച്ച ചെയ്യണമെന്ന് ദക്ഷിണ റെയിൽവേയോടു റെയിൽവേ ബോർഡ് നിർദേശിച്ചെന്ന വാർത്ത കഴിഞ്ഞദിവവമാണ് പുറത്തുവന്നത്. ഇതോടെ കേരളത്തിന്‍റെ സെമി ഹൈസ്പീഡ് ട്രെയിൻ സ്വപ്നങ്ങൾക്ക് വീണ്ടും ചിറകുവയ്ക്കുന്നെന്ന വാർത്തകൾ പുറത്തുവന്നിരുന്നു. ഈ സാഹചര്യത്തിലാണ് ബിജെപി നേതാക്കളുടെ പ്രതികരണം.

Wayanad Maoist Insas Rifle: മാവോയിസ്റ്റുകൾക്ക് ഇൻസാസ് റൈഫിൾ എങ്ങനെ കിട്ടി, സിആർപിഎഫ് ക്യാംപ് ആക്രമിച്ചപ്പോൾ കവർന്നതോ? അന്വേഷിക്കാൻ പോലീസ്

റെയിൽവേ ബോർഡിന് സിൽവർ ലൈൻ പദ്ധതിയുടെ വിശദമായ പദ്ധതി റിപ്പോർട്ട് 2020 ജൂൺ 17ന് കെ റെയിൽ സമർപിച്ചിരുന്നു. റെയിൽവേ ഭൂമി ഏറ്റെടുക്കൽ, അലൈൻമെന്‍റ് തുടങ്ങിയ മേഖലകളിൽ പ്രശ്നങ്ങളുള്ളതായി ബോർഡ് കണ്ടെത്തുകയും ചെയ്തിരുന്നു. വിശദമായ റിപ്പോർട്ട് വീണ്ടും സമർപ്പിച്ചെങ്കിലും. ഡിപിആറിൽ സതേൺ റെയിൽവേ ഇതേവരെ തീരുമാനമെടുത്തിട്ടില്ല.