ന്യൂഡൽഹി: അര്‍ഹമായ പരിഗണന ലഭിച്ചില്ലെങ്കിൽ ഹൈബി ഈഡനു വേണ്ടി പ്രചരണത്തിന് ഇറങ്ങില്ലെന്ന നിലപാടിൽ ഉറച്ച് എറണാകുളം എംപി കെ വി തോമസ്. എറണാകുളത്ത് ലോക്സഭാ സീറ്റ് നിഷേധിച്ചതിനെത്തുടര്‍ന്ന് പാര്‍ട്ടി വിട്ടേക്കുമെന്നും ബിജെപിയിൽ ചേര്‍ന്നേക്കുമെന്നുമുള്ള അഭ്യൂഹങ്ങള്‍ക്ക് പിന്നാലെ കെ വി തോമസുമായി കോൺഗ്രസ് നേതൃത്വം ചര്‍ച്ച നടത്തിയിരുന്നു. എന്നാൽ അനുനയനീക്കങ്ങള്‍ പൂര്‍ണ്ണമായും ഫലം കണ്ടിട്ടില്ലെന്നാണ് റിപ്പോര്‍ട്ടുകള്‍.
എറണാകുളം ലോക്സഭാ മണ്ഡലത്തിലെ സ്ഥാനാര്‍ത്ഥിയായി ഹൈബി ഈഡനെ നിശ്ചയിച്ചതിനു പിന്നാലെയായിരുന്നു കെ വി തോമസ് പാര്‍ട്ടിയിൽ കലാപക്കൊടി ഉയര്‍ത്തിയത്. തനിക്ക് എന്തു ചെയ്യണമെന്ന് അറിയാമെന്ന് വ്യക്തമാക്കിയ കെ വി തോമസ് ബിജെപിയിൽ ചേരുമോ എന്ന ചോദ്യത്തിന് കൃത്യമായ മറുപടിയും നല്‍കിയില്ല. അടുത്തിടെ കോൺഗ്രസ് വിട്ട ടോം വടക്കൻ മുഖേന കെ വി തോമസുമായി ബിജെപി ചര്‍ച്ച നടത്തുന്നതായും റിപ്പോര്‍ട്ടുകള്‍ വന്നിരുന്നു. എന്നാൽ ഇതിനു പിന്നാലെ കോൺഗ്രസ് വിടില്ലെന്ന് വ്യക്തമാക്കി കെ വി തോമസ് രംഗത്തെത്തുകയായിരുന്നു.
എറണാകുളം ലോക്സഭാ മണ്ഡലത്തിലെ സ്ഥാനാര്‍ത്ഥിയായി ഹൈബി ഈഡനെ നിശ്ചയിച്ചതിനു പിന്നാലെയായിരുന്നു കെ വി തോമസ് പാര്‍ട്ടിയിൽ കലാപക്കൊടി ഉയര്‍ത്തിയത്. തനിക്ക് എന്തു ചെയ്യണമെന്ന് അറിയാമെന്ന് വ്യക്തമാക്കിയ കെ വി തോമസ് ബിജെപിയിൽ ചേരുമോ എന്ന ചോദ്യത്തിന് കൃത്യമായ മറുപടിയും നല്‍കിയില്ല. അടുത്തിടെ കോൺഗ്രസ് വിട്ട ടോം വടക്കൻ മുഖേന കെ വി തോമസുമായി ബിജെപി ചര്‍ച്ച നടത്തുന്നതായും റിപ്പോര്‍ട്ടുകള്‍ വന്നിരുന്നു. എന്നാൽ ഇതിനു പിന്നാലെ കോൺഗ്രസ് വിടില്ലെന്ന് വ്യക്തമാക്കി കെ വി തോമസ് രംഗത്തെത്തുകയായിരുന്നു.