മണിയുടെ കുടുംബം ആവശ്യപ്പെട്ടാൽ ഉന്നതതല അന്വേഷണമെന്ന് മുഖ്യമന്ത്രി

കാസര്‍കോട്: കലാഭവൻ മണിയുടെ മരണത്തില്‍ കുടുംബം ആവശ്യപ്പെട്ടാല്‍ ഉന്നത തല അന്വേഷണം നടത്താന്‍ സംസ്ഥാന സര്‍ക്കാര്‍ തയ്യാറാണെന്ന് മുഖ്യമന്ത്രി ഉമ്മന്‍ചാണ്ടി.

"മരണം സംബന്ധിച്ച് ഇപ്പോള്‍ ശരിയായ രീതിയിലാണ് അന്വേഷണം നടക്കുന്നത്. അന്വേഷണത്തില്‍ തൃപ്തികരമായ നീക്കവുമായാണ് പൊലിസ് ഉദ്യോഗസ്ഥര്‍ നീങ്ങുന്നത്. എന്തെങ്കിലും പരാതിയുണ്ടെങ്കില്‍ കുടുംബത്തിന് അറിയിക്കാമെന്നും" അദ്ദേഹം പറഞ്ഞു. മണിയുടെ ശരീരത്തില്‍ വിഷാംശം ഉണ്ടായിരുന്നുവെന്ന റിപ്പോര്‍ട്ടുകള്‍ വന്നതിനെക്കുറിച്ച് മറുപടിയായി പ്രതികരിക്കുകയായിരുന്നു അദ്ദേഹം.