കലാഭവന്‍ മണിയുടെ മരണം: പോലീസ് റിപ്പോര്‍ട്ടിനെതിരെ സഹോദരന്‍

ചാലക്കുടി: നടന്‍ കലാഭവന്‍ മണിയുടെ മരണം അന്വേഷിക്കുന്ന പോലീസിനെതിരെ മണിയുടെ സഹോദരന്‍ ആര്‍എല്‍വി രാമകൃഷ്‍ണന്‍. മണിയുടെ മരണവുമായി ബന്ധപ്പെട്ട് പോലീസ് കോടതിയില്‍ സമര്‍പ്പിച്ചത് വിചിത്ര റിപ്പോര്‍ട്ട് ആണെന്നും മരണം സ്വാഭാവികമാണെന്ന് വരുത്തിത്തീര്‍ക്കാനാണ് ശ്രമമെന്നും രാമകൃഷ്‍ണന്‍ തന്‍റെ ഫേസ്‍ബുക്ക് പോസ്റ്റില്‍ ആരോപിച്ചു.

കാക്കനാട്ടെ ലാബ് റിപ്പോര്‍ട്ടില്‍ സംശയം വന്ന പോലീസ് ആന്തരികാവയവങ്ങള്‍ ഹൈദരാബാദിലെ സെന്‍ട്രല്‍ ഫോറന്‍സിക് സയന്‍സ് ലാബിലേക്ക് പരിശോധനയ്ക്ക് അയച്ചിട്ടുണ്ട്. എന്നാല്‍ ഇത് സീല്‍ ചെയ്യാതെയാണ് അയച്ചതെന്നും വേണ്ടത്ര അളവില്‍ ഉണ്ടായിരുന്നില്ലെന്നും റിപ്പോര്‍ട്ട് ഉള്ള സാഹചര്യത്തില്‍ പരിശോധനാഫലം വിശ്വസിക്കാനാവില്ലെന്ന് രാമകൃഷ്‍ണന്‍ പറയുന്നു.

മെഥനോൾ ഉള്ളില്‍ ചെന്നിട്ടുണ്ടെന്ന് പറയുന്ന പോലീസ് ഇത് എങ്ങനെ ഉള്ളിലെത്തി എന്ന് കണ്ടെത്തിയിട്ടില്ല. സുഹൃത്തുക്കൾ വാറ്റുചാരായം കഴിക്കാറില്ലെന്ന് പറയുന്നത് അവരെ പോലീസ് സംരക്ഷിക്കുന്നതിനാണ്. കഞ്ചാവിനും മദ്യത്തിനും അടിമകളാണ് ഇവരിൽ രണ്ടു പേർ എന്നും പോസ്റ്റില്‍ ആരോപണമുണ്ട്.

ഫേസ്‍ബുക്ക് പോസ്റ്റിന്‍റെ പൂര്‍ണരൂപം:

"പോലീസിന്റെ വിചിത്ര റിപ്പോർട്ട്.! കോടതിയിൽ പോലീസ് സമർപ്പിച്ച റിപ്പോർട്ട് മരണം സ്വാഭാവികമാണെന്ന് വരുത്തി തീർക്കാൻ. കാക്കനാട്ടെ ലാബിനെ സംശയിക്കുകയും നാഷണൽ ലാബിനെ വിശ്വസിക്കുകയും ചെയ്യുന്നത് എന്തുകൊണ്ട് ..?

നാഷണൽ ലാബിലേക്ക് അയച്ച ആന്തരിക അവയവങ്ങൾ സീൽ ചെയ്യാതെ അയച്ചവയാണ്.ഇത് വേണ്ടത്ര അളവിൽ ഉണ്ടായിരുന്നില്ല എന്നും അൺ സീൽഡ് ആണെന്നും റിപ്പോർട്ട് വ്യക്തമാക്കിയിട്ടുണ്ട്. ഈ റിസൾട്ടിനെ വിശ്വാസത്തിലെടുക്കാൻബുദ്ധിമുട്ടാണ്.

എന്നാൽ മെഥനോൾ എന്ന മാരക വിഷം ഉള്ളിൽ ചെന്നിട്ടുണ്ട് എന്നും പറഞ്ഞിട്ടുണ്ട്.ഇത് എങ്ങിനെ എത്തിയെന്ന് പോലീസ് കണ്ടെത്തിയിട്ടില്ല. സുഹൃത്തുക്കൾ വാറ്റുചാരായം കഴിക്കാറില്ലെന്ന് പറയുന്നത് അവരെ പോലീസ് സംരക്ഷിക്കുന്നതിനാണ്. കഞ്ചാവിനും മദ്യത്തിനും അടിമകളാണ് ഇവരിൽ രണ്ടു പേർ. തെളിവുകൾ കിട്ടിയിട്ടും അത് കളഞ്ഞിട്ടാണ് ടെസ്റ്റ് ചെയ്യാൻ അയച്ചത്. മാരകമായ മെഥനോൾ എത്തിച്ചത് ആരാണ് ?അത് എങ്ങിനെ പാഡി വന്നു?. മെഥനോൾ മാത്രം മതി മരണകാരണമാകാൻ ഇതിന് പോലീസ് ഉത്തരം തരാതെ ഉരുണ്ടു കളിക്കുകയാണ്.?




Kalabhavan Mani's brother against police

RLV Ramakrishnan, brother of late actor Kalabhavan Mani, alleged that the police probing his brother's death is trying to protect someone.